Ӟеч ужасьёсты будэтоно школаысен

Ангелина Снигирева
By Ангелина Снигирева Август 2, 2019 11:24

Ижевскысь 2 сюрслэсь трос ИТ-специалистъёс пыриськизы «Цифровой прорыв» конкурсэ. Та вожвылъяськон быдэс Россиын ортче. Кылем шутэтскон нуналъёсы Удмуртиын радъяськиз улос люкетэз.

«Цифррвой прорыв» конкурсын
Фото: Информатизацияя но связья министерстволэн пресс-службаез

Россиысь конкурс радъяське 40 площадкаын. Удмуртиысь вожвылъяськонэ программирование, дизайн но управление удысъёсъя 10 команда пыриськиз. Ӵошатскисьёслэн трос луэмзыя Удмуртия пыриз Россиысь 10 улосъёс пӧлы.

— Ӟеч ИТ-специалистъёслы али вань удысъёсын кулэяськон. Уго информационной технологиостэк уз азинске экономика но, социальной удыс но. Озьыен ӟеч ужасьёсты будэтон — Удмуртиын но, Россиын но валтӥсь ужпум луэ, — пусйиз республикаысь информатизацияя но связья министр Тимур Меджитов.
Али шаерамы ИТ-специалистъёсты будэтонъя проектэ пырисько 44 школаос, 2 колледж, 2 университет, бадӟым ИТ-компаниос но Удмуртиысь валтӥсь предприятиос.
Проектлэн нырысетӥ тубатэз — школа. Татын ИТ-классъёсын нылпиос пыр-почгес дышето математикаез но информатикаез. Таӵе тодон-валан сётон 7-тӥ классысен кутске. Оглом вераса, городъёсысь но ёросъёсысь школаосын 118 классъёс усьтэмын. Отын 2 сюрс 569 пинал тодон-валан люка.
Туэ та проектэ пыриськисьёслэн лыдзы эшшо йылоз — бордазы ватсаськоз на 3 школа, усьтӥськозы выль 32 ИТ-классъёс. Озьы дышетон огазеялоз 3 сюрслэсь трос пиналъёсты.
Проектлэн 2-тӥ тубатэз — колледжъёсын ИТ-специалистъёсты будэтон. Туэ Ижысь промышленно-экномичекой колледжын 9-тӥ классэз йылпумъямъёс понна усьтӥськиз «Тестировщик» специальность.
Озьы ик та проектэ пырисько Удмуртиысь 2 вузъёс — УдГУ но ИжГТУ. Татын нимысьтыз кафедраосын уж радъямын ни. Отын дышето ИТ-компаниосын валче кылдытэм программаосъя. Вузысь потӥсь егит специалистъёс ужлы уз ёрме — соосты шумпотыса предприятиосын кутозы. Озьы туэ таӵе дышетсконэ 180 студентъёс пыриськозы. Таӵе азинлыко специалистъёслы ИТ-компаниос котьку кулэясько — чакламъя 4-тӥ курсэ вуэм егитъёс ваньмыз сямен ас удыссыя уже интыясько ни.

Елена Скворцова

Ангелина Снигирева
By Ангелина Снигирева Август 2, 2019 11:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<