Ӝуатскозы сюсьтылъёс

Ангелина Снигирева
By Ангелина Снигирева Август 29, 2019 13:00

3-тӥ куарусёнэ быдэс Россия буре ваёз терактъёсын быремъёсты: пӧртэм городъёсын радъяськозы «Улон шапык» нимаськись акциос.

Ижын со ортчоз 11 часын Нылпи творчествоя юрт дорысь ожгарчилы-интернационалистлы синпелет дорын. Ӝуатэмын луозы сюсьтылъёс, чус улыса, калык буре ваёз терактъёсын быремъёсты. Синпелет котырысь писпуос но сяськаос вылэ кырымпыдэсысь ву кисьтозы. Кызьы будосъёслы кулэ ву, озьы ик терактъёсын быремъёслы но ӧз тырмы одӥг шапык: кылсярысь, 2004-тӥ арын Бесланын теракт дыръя калыкез 3 нунал ӵоже котыртэмын возизы, шапык ву но юыны ӧз сётэ, 300 мурт быдтэмын вал. Ӵапак та шимес учыр бере 2005-тӥ арысен пусйиськомы терактын быремъёсты буре ваён нуналэз.
Та ужрад сяна, Ялан ӝуась тыл дорын ортчоз «Буре ваён сюсьтыл» ужрад, со кутскоз 19 часын. Нош школаосын, шоро-куспо тодон-валан сётӥсь дышетсконниосын та нуналэ мытэмын луоз «Асьме вакытысь геройёс» акция. Отчы пыриськозы элькунысьтымы 20 сюрслэсь ятыр нылпиос. Акция кыстӥськоз 2 толэзь ӵоже: пиналъёслы трос тунсыкозэ мадёзы террористъёслы пумит операциосы, нимаз интыосын (локальной) ожъёсы пыриськылэмъёс. Со сяна, пиналъёс гожтозы «Асьме вакытысь герой» темая сочинение: тужгес устоосыз пыртэмын луозы нимаз книгае. Сое поттыны чакламын туэ 9-тӥ декабрёзь — соку пусъёмы Атыкай музъемлэн Геройёсызлэсь нуналзэ.

Сергей Захаров

Ангелина Снигирева
By Ангелина Снигирева Август 29, 2019 13:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<