Ужбергатӥсьёс, кивалтӥсьёс но калык

Ангелина Снигирева
By Ангелина Снигирева Август 15, 2019 09:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

14-тӥ августэ Россиез азинтонъя ВЭБ.РФ корпорацилэн тӧроез Игорь Шувалов вуылӥз Ижысь «Сети парк» скейт-парке. Татын ик тодматскиз Удмуртиысь городъёсты азинтонъя проектъёсын.

«Сети-паркын» кивалтӥсьёсын пумиськон
Фото: udmurt.ru

«Сети паркез» кылдытон сярысь мадиз Александр Бречалов.

— Та парклэн кылдэмез адӟем карымон, — шуиз Тӧро. — Скейт-парк усьтыны ӵектӥз Ижысь Андрей Передвигин пияш. Андрей вераз, шоркарын 1 сюрслэсь ятыр егитъёс скейтэн ворттыло, нош нимысьтыз интызы ӧвӧл, пе. Проект дасялэ, шуисько, Правительстволэн ужез — коньдон утчаны. Егитъёс асьсэос та интыез малпазы, соин ик татчы люкаськылыны ярато. Нош 7-тӥ сентябре татын памп-трекъя дунневыл чемпионатлэн отборочной люкетэз ортчоз. Россиын со нырысьсэ радъяське.

Удмуртиысь дизайнэз но городъёсты азинтонъя центрлэн быдэсъясь директорез Вячеслав Правдзинский верамъя, центр выль интыос лэсьяны юрттэ, визь-кенеш сётъяса, эскизъёс суредаса, семинаръёс ортчытъяса. Озьы муниципалитетъёс проектъёссэс йылозяз-пумозяз вутто но инвестициос кыскыны быгато.

Ижкаре озьы ик вуылӥз Моногородъёсты азинтонъя фондлэн директорез Ирина Макиева. Со шуиз: пичи каръёсын калыкез бордазы кыскись интыос одно ик кылдытоно. Та дырлы фонд ужа ини Удмуртиысь моногородъёсын: Воткинскен, Глазовен, Сарапулэн. Кылсярысь, Глазовын сад лэсьтэмын, Сарапулын Кам шурлэн ярдурез тупатэмын.

Вуоноезлы чаклам проектъёсын тодматӥзы та каръёслэн йыръёссы. Та городъёсысь ужбергатӥсьёс кивалтӥсьёсын ужаны дась, калык но аслэсьтыз малпанъёссэ ӵектэ, мылкыдзэ вера. Моногородъёсын таӵе интыос лэсьтыны кутскизы ке, выль ужан интыос кылдозы, пичи бизнес золгес азинскоз, нош калыклы чебер шутэтскон интыос луозы.

Проектъёсын тодматскыса, И. Шувалов шуиз:

— Удмуртие берлозэ 2 ар талэсь азьло вуылӥ. Али адӟисько: огкадь малпаськиськом. Ужбергатӥсьёстэк, партнёръёстэк ужаны ум быгатэ. Уксё висъяське отчы, кытын емышез луоз. Нош Удмуртиын зол команда люкаськемын.

Анастасия Шумилова

Ангелина Снигирева
By Ангелина Снигирева Август 15, 2019 09:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<