«Тыплыкей» азьпалтӥз

Ангелина Снигирева
By Ангелина Снигирева Август 14, 2019 17:10

Удмуртиын ортчылӥсь удмурт ужрадъёслэсь ми палэнэ ум кылиське, котькудаз сямен ик пыриськыны тыршиськомы.

«Таплыкей» команда «Эру» шулдыръяськонын вормиз
Фото: Д. Герасимов

Тани кылем толэзьлэн пумаз гуртысьтымы егитъёслэн «Тыплыкей» (ӝуась гур азьын пыжем шаньги) командазы вуылӥз Шаркан ёросысь Зар-Вишур гуртэ — отын 5-тӥзэ ортчиз удмурт пиналъёслэн «Эру» праздниксы. Вераны кулэ, та ужрадэ гуртысьтымы пиналъёс арлы быдэ пырисько.

Валамон, сюрес вылэ потыны уксё но, мылкыд но кулэ. Тау кариськомы Татарстанысь удмуртъёслэн центрзылэн кивалтӥсезлы Андрей Сергеевич Герасимовлы: со юрттӥз, пиналъёслэсь ужрадэ пыриськыны мылкыдзэс бурдъяз. Тазалык сӥземмы потэ автобусмылэн водителезлы Николай Фёдоровлы но, озьы ик егитъёсты Шаркан палъёсы келяны-чакланы мылкыд карем нылкышнолы Галина Сергеевалы — вань ужзэс куштӥзы но кузь сюрес вылэ потӥзы.

Татарстанысь Варклед-Бодья гуртысь «Таплыкей» команда
Фото: Д. Герасимов

Сюлмаськемзы юнме ӧз луы: «Тыплыкей» командамы вормонэн бертӥз. «Эруэ» пыриськем 10 командаос полысь милямъёс нырысетӥ интые потӥзы! Эсьмаса, азьпалтӥмы Удмуртиысь но, Пермь улосысь но егитъёслэсь командаоссэс. Талы ми туж шумпотӥм, мылкыдмы бурдъяськемын! «Тыплыкей» командаысьтымы егитъёс понна «Эру» праздник вунонтэм луиз: 2 нунал ӵоже соос эшъяськизы пӧртэм интыосысь вуэм егитъёсын, удмурт выжыоссэс мургес тодӥзы, кырӟаны-вераны быгатонлыкъёссэс волятӥзы но трос выльзэ тодӥзы. Кырӟаны-эктыны быгатэмзэс возьматэм сяна, егитъёсмы кужымзэс мерталлям пельнянь кутыса но, ву нуллыса но, пу вандыса но, черсӥськыса но.

Вормонэн бертэм «Тыплыкей» командамылэн азьветлӥсезлы, Варклед-Бӧдья клубын ужасьлы Алина Пислеговалы сӥземмы потэ пиналъёсын ужаны таӵе ик капчи мылкыд, азинлык. Нош шарканъёс егитъёсмес ӧтиллям ни кайта ортчоно «Эруэ»: ганяк эн кариське, вуоно арын но, пе, ваньзэсты тазьы ик паймытэ! Мар бен, пиналъёсмылэсь мылкыдзэс бурдъяса возём, быгатонлыкъёссэс эшшо волятом но вуоно арын но «Эру» ужрадэ нуись сюрес вылэ потом!

Наталья Матвеева

Ангелина Снигирева
By Ангелина Снигирева Август 14, 2019 17:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<