Семьялэн кужымез — выжыосыз

Ангелина Снигирева
By Ангелина Снигирева Август 14, 2019 16:45

Башкортостанысь калыкъёслэн эшъяськон юртсы бордын ужась удмуртъёслэн историяя но культурая центрзы пӧртэм пумо тунсыко ужрадъёс ортчытъя.

Пермь улосысь Шарафутдиновъёс

Кылем толэзе Татышлы ёросысь Выль Татышлы гуртын радъяськиз «Мынам крезьгуро удмурт семьяе» нимаськись ӝыт. Отчы пыриськизы Башкортостанысь пӧртэм ёросъёсын улӥсь удмурт семьяос. Кылсярысь, Татышлы ёросысь Шаритдиновъёс но Адуллинъёс, Балтач ёросысь Зиангировъёс, Янаул палъёсысь Нигиевъёс. Эсьмаса, бускель Пермь улосысь Шарафутдиновъёслэн семьязы но мылкыд кариз та ужрадэ пыриськыны. Нош радъязы-нуизы ӝытэз Выль Татышлы гуртысь культурая юртын но библиотекаын ужасьёс.

«Мынам крезьгуро удмурт семьяе» ӝыт шуныт мылкыдын ортчиз. Котькудӥз семья ужрадэ вуэм, бигер удмуртъёслэн калык дӥсенызы пӧрмытскыса, эшшо ке сьӧразы вайиллям семьязылэсь яратоно сиёнъёссэс-пыжиськемъёссэс, ужрадын угось, кырӟаны-вераны быгатэмез сяна, возьматоно на вал удмурт калык сиёнъёсты пӧраны быгатэмез но.

Люкаськем калык нырысь ик котькуд семьяен тодматскиз: соос мадизы выжыоссы, семьязылэн кылдэмез, удмурт сям-йылолъёсты чакламзы сярысь. Бӧрысь котькудӥз возьматӥз кырӟаны-вераны быгатэмзэ: анай-атайёссы вӧзын удмурт кырӟанъёсты быдэстӥзы нылпиос но. Котькудӥз семья туж усто кырӟа — кыӵе но кырӟанъёсты ӧз быдэстэ соос, эктыса но лэзизы! Ӝыт йылпумъяськиз пӧраськемъёссэс веръянэн: соос чиньыез ньылымон ческыт пӧрмиллям.

Выль Татышлы гуртысь культурая юртын но библиотекаын ужасьёс котькуд семьяез пусйизы синпель кузьымъёсын но таукаронъёсын. Соослы азьланяз но сӥзизы семьяязы удмуртлыкез тазьы ик юн возьыны, будӥсь пиналъёссылы удмурт выжыоссэс гажан мылкыд пыӵатыны. Башкортостанысь удмуртъёслэн историяя но культурая центрысьтызы специалист Ирина Самигулова шуиз: Башкортостанын удмуртлыкез утёнлы бадӟым саклык висъяськом, таӵе ужрадъёс удмурт калыклэсь данзэ ӝуто, выжыосмес утьыны юртто.

Елена Тугашова

Ангелина Снигирева
By Ангелина Снигирева Август 14, 2019 16:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<