Сарапуллэн выльдӥськонэз

Ангелина Снигирева
By Ангелина Снигирева Август 8, 2019 15:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Сарапул пыриськиз Россиысь моногородъёсты азинтонъя кун программае. Удмуртилэн Тӧроез Александр Бречалов солы ӟеч дунъет сётӥз.

Сарапулысь хлебокомбинат выль машинаос басьтыны быгатӥз
Фото: udmurt.ru

Пичи городъёс ӵемысь возисько 2-3 предприятиос вылын. Огез пытсаське ке, калык ужтэк кыле. Югдурез кӧня ке но воштон вылысь Россиын ялэмын вал моногородъёсын герӟаськем кун программа. Шаерысьтымы 3 городъёс — Вотка, Глазов но Сарапул — отчы шедизы. Программалэн пайдаез син азьын ни.

— Та программа чотын Сарапуллы пӧртэм бюджетъёсысь 490 миллион манетлэсь ятыр уксё вуиз, — пусйиз А. Бречалов. — Солы луыса, кылсярысь, выльдэмын Кам шурлэн ярдурез, «Энергия» стадион, Шор площадь, «Озон» спорткомплекс, куд-ог урамъёс но мукетыз.

Ваньмыз та, валамон, калыклэсь улон-вылонзэ ӟечгес каре. Со сяна, город ужбергатӥсьёслы но тунсыкогес потыны кутске. Кылсярысь, Сарапулысь мясокомбинатэз азинтыны 2017-тӥ арысен 102,8 миллион манетлэсь ятыр инвестициос кыскемын ни, чакламын вал 79,5 миллион. Ватсаса 20 ужан интыос кылдытэмын, чакламын вал — 10.

Азинсконъёсыз син азьын Сарапулысь нянь пыжон комбинатлэн но. 2019-тӥ-2020-тӥ аръёсы со ю тысь нуллыны 40 автопоездъёс басьтыны чакла, талы 350 миллион манет висъяськоз.

— Элькунысьтымы пызь изӥсь предприятиос ю тысь туннэ басьто артэ улосъёсысь, — вераз хлебокомбинатлэн директорез Алексей Малюк. — Выль автомобильёс басьтӥм ке, ю тысез ми быгатом ни асьмеос вайыны-нуыны, палэнысь кураськонэз уз луы ни. Со сяна, предприятиямы выль ужан интыос кылдозы — кулэ луозы водительёс, механикъёс, диспетчеръёс.

Ваньмыз малпамъя пӧрмиз ке, туэ ар пумозь ик татын 100 выль ужан интыос усьтӥськозы, элькун бюджетэ 19 миллион манетлы ятыргес выт келяны кутскозы.

Нялтас вераса, нырысетӥ 10 автомобильёс — MAN тягачъёс и НЕФАЗ полуприцепъёс-зерновозъёс — нянь пыжон комбинатэ вуизы ни. Ар пумозь эшшо 11-зэ возьмало.

Предприятилы юрттӥськыны дась луэмзэ вераз ни Удмуртилэн Тӧроез но. Кун, банк но предприятие огкылысь кариськыса ужамысь, хлебокомбинатлы автопоездъёс басьтыны 8,5 процентъем кредит висъяськиз — Россиысь Экономикаез азинтонъя министерстволэн пичи но шоро-куспо ужбергатонлы ичи процентэн кредитъёс сётонъя программаез чотын. 

Сергей Захаров

Ангелина Снигирева
By Ангелина Снигирева Август 8, 2019 15:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<