Мунё бергаз Учалан

Ангелина Снигирева
By Ангелина Снигирева Август 14, 2019 16:34
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Август толэзь кутсконын шаерысьтымы ёросъёсын но гуртъёсын выль вуэм урожайлы сӥзем ужрадъёс ортчизы. 2-тӥ августэ Выль каризы Пичи Пурга ёросысь Уча (Ильинск) гуртын но.

Учалан чебермам мотоблокъёсын парад ортчиз
Фото: Е. Окунева

Ужрад мотоблокъёслэн аспӧртэм парадзы бордысен кутскиз. Озьы котькуд ульча конкурсэ аслэсьтыз чебермам мотоблоксэ поттӥз. Со сяна, ульчаос вискын радъямын на вал мудрон бакча сульдэрлы конкурс. Соин ик мотоблокъёс вылын огезлэсь пӧртэм мукетыз сульдэръёс пукизы.

— Гуртамы Выль шулдыръяськонэз арлы быдэ ортчытӥськом, — пусйиз Учаысь культурая юртлэн кивалтӥсез Татьяна Мокеева. — Бадӟым бакча сиёнлы, тунсыко бакча сульдэрлы ӵошатсконъёс но котьку радъяськомы. Со сяна, туэ ар — театрлэн арез. Соин котькуд ульча пичи спектакль дасяз. Туж тунсыко пӧрмытӥзы.

Куазь кезьыт ке но вал, шулдыръяськонэ вуылӥзы Уча вӧзысь Сосновка, Абдэс-Урдэс, Арлан, Чёкал гуртъёсын улӥсьёс но. Ортчизы спорт ӵошатсконъёс, шудонъёс, чузъяськизы шулдыр удмурт кырӟанъёс. Гуртоосты ӟечкылаз Ильинск муниципал кылдытэтлэн кивалтӥсез Александр Анисимов. Люкаськемъёслы тау карыса, со пусйиз:

— Гуртамы али гинэ ортчытӥмы республикаысь фермеръёслэсь бадӟым ужрадзэс. Ваньмыз умой пӧрмиз. Азьланяз но ужаны но шулдыръяськыны мед быгатомы…

Пусйыны кулэ, Пичи Пурга ёрослы 90 ар тырмонлы сӥзьыса, туэ быдэс ар ӵоже ни ёросын «Пурга берга» фестиваль ортче. Ваньмыз сямен муниципал кылдытэтъёс кыӵе ке яркыт ужрад ортчыто. Та ужрадъёслэн пуссы — чебер удмурт мунё. Та мунё ӵапак Ильинск гуртэ вуэмын вал. Нош Выль шулдыръяськон дыръя ильинскъёс мунёез Бобья-Уча гуртлы сётӥзы.

— Фестивальлэн пусэз туннэ нуналлы ортчиз ини ёросысьтымы ваньмыз сямен муниципал кылдытэтъёс пыр, — пусйиз Пичи Пурга ёрос администрациысь культурая ёзэн кивалтӥсь Надежда Степанова. — Кылизы на Бобья-Уча гурт но Пичи Пурга черкогурт. Ар быртозь, мунё отчы но вуылоз. Озьы Бобья-Учалан ортчоз «Тылобурдо» фестиваль, нош Пичи Пургалан — картошкалы сӥзем бадӟым ужрад.

Учаослэн Выль шулдыръяськонзы йылпумъяськиз, выль ӝук, шыд сиыса, турынъёсын чай юыса, пӧртэм удмурт пыжиськемъёсты веръяса, ог-оген кенешыса.

Елена Васильева

Ангелина Снигирева
By Ангелина Снигирева Август 14, 2019 16:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<