Лэсьтӥсько нылпи сад но парк

Ангелина Снигирева
By Ангелина Снигирева Август 1, 2019 10:43

Кызьы Воткинскын «Демография» нацпроект быдэсъяське эскеризы «Огъя Россия» партилэн Удмурт ёзысьтыз депутатъёс.

Воткинскын нылпи сад ӝутӥське
Фото: udmgossovet.ru

Городын туэ нылпиослы яслиос ӝутыны кутскизы. Та садъёсын 1,6 арысен 3 аресозь тэшкылиослы интыос луозы. Тани огез юрт — со чакламын 80 пиналлы — ӝутске егит семьяослэн микрорайоназы.

— Та сад туж ӟеч интые пуксиз, — улон коркаослы матын. Калыклы со туж кельше. Та районын нылпи садэ интыосын туж секыт югдур. Выль ясли юрттоз черодэз кулэстыны, — пусйиз Вотка городысь Депутатъёслэн Кенешсылэн тӧроез Сергей Омельянович.
Нош выль ясли котырын улӥсьёс асьсэлэсь ӵектонъёссэс шараязы. Умой луысал, пе, сад бордын нылпи коляскаен ветлон сюресъёс, парковкалы интыос кылдысалзы ке.
Депутатъёс таӵе малпанлы дурбасьтӥзы. Уго федерал программая лэсьто нылпи садлэсь азбарзэ гинэ. Нош кулэ на шулдыртыны кенер сьӧрысь котырзэ но — ветлыны кышкыт медаз луы.
Та яслиез вуттыны кулэ 1-тӥ сентябрьлы. Со бӧрсьы лицензирование мыноз. Нош 2020-тӥ арын 1-тӥ январьысен выль интые пиналъёс лыктозы ни.
Эскерон азьланьтӥськиз йӧ каток лэсьтон интыын. Солы проект дасямын вал ни 2013-тӥ арын. Туэ каток лэсьтонэз «Демография» нацпроект чотын азинтыны быгатӥзы.
Та юрт липет улэ пыртэмын луоз. Трибунаосын 410 пукон инты чакламын. Катокын нискыланы быгатозы фигуристъёс но, хоккеистъёс но. Вераны кулэ, хоккеен шудыны мылкыд карисьёс али трос, но йӧ каток ӧвӧлэн соослы Иже яке Чайковские тренировкаосы ветлоно луэ.

«Арлэн вакытъёсыз» паркез лэсьтон. Та интыосын шутэтскыны яратэ вылэм П. Чайковский композитор
Фото: udmgossovet.ru

«Формирование комфортной городской среды» нацпроектъя Воткаын лэсьтӥське «Арлэн вакытъёсыз» парк. Со огшоры шутэтскон инты гинэ ӧвӧл — со город понна выль проект. Татын герӟамын инкуазь но туала технологиос, вашкала история но али улон. Паркысь пичи ты вылын уяны луоз пыжен. Та инты но юнме быръемын ӧй вал — ас вакытаз ӵапак татын шутэтске вылэм Чайковскийёслэн семьязы.

— Проект туж тунсыко. Таӵе шутэтскон интыос чотын городын улон эшшо шулдыргес луоз. Вылаз ик, та парк туристъёсты но кыскыны юрттоз, — пусйиз Владимир Невоструев.

Сергей Захаров

Ангелина Снигирева
By Ангелина Снигирева Август 1, 2019 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<