Гуртэз ӝутыны дышетозы школаысен

Ангелина Снигирева
By Ангелина Снигирева 7 августа, 2019 16:00

Гурт удысын али тырше 26,6 сюрс адями. Кадръёслы ёрмон арысь аре лэчытоме. Мар карыны чакламын?

Пиналъёс школаысен гуртэз ӝутыны дышетскозы
Фото: архив «Удмурт дунне»

Гуртоослэн шоро-куспо уждунзы 23 сюрс 163 манет луиз ни. Кӧня ке ар талэсь азьвыл гинэ 12-13 сюрс лыдъяськиз. Уждун будӥз ке но, уж секыт но кырсь шуыса, егитъёслэн гуртэ кылемзы уг поты. Ужасьёслы тылобурдо вордон фабрикаосын гинэ ке шат уг ёрмо. Озьы ик капчигес югдур пӧйшур вордон хозяйствоосын. Нош мукетъёсаз мар карыны ӟудэмын, тужгес но пыдлось ёросъёсын. Гурт удысъя но сиён-юонъя министр Ольга Абрамова ивортэмъя, али уг тырмо 210 трактористъёс. Озьы ик кулэ 111 скал кыскисьёс, 67 пудо утялтӥсьёс. Дышетскем специалистъёсын югдур эшшо но начаргес.
Ижысь гурт удысъя академия но профучилищеос ӧжыт специалист уг дасяло. Кылсярысь, 2017-тӥ арын дэмен 1 сюрс 858 муртлы диплом сётӥзы. Хозяйствоосы ужаны таос пӧлысь лыктӥз 88-эз гинэ, таос пӧлысь но 5-ез пегӟиз. Кылем арын 1 сюрс 695 специалист пӧлысь предприятиосы куриськиз 83-ез гинэ, 10-эз, секытлы чидатэк, кошкиз, шуэ Ольга Абрамова.
Нылпиосты гурт удыс пала берыктон вылысь 9-тӥ-11-тӥ классъёсын дышетскисьёс понна чакламын агроклассъёс усьтыны. Отын нодъялозы агробизнесэз нуыны. Пиналъёсты дышетозы Гурт удысъя но сиён-юонъя министерствоысь специалистъёс. Занятиос ортчозы толэзяз огпол. Нылпиос пӧлын проект быдэстонъя конкурс ялозы, вормисьёслы Ижысь гурт удысъя академие я училищеосы пырыны льготаос чакламын луозы. Тужгес усто проектъёсты улонэ пыӵатыны юрттозы. Радъяськозы экскурсиос, вебинаръёс. Нылпиосты хозяйствоосы потталозы, стипендия тырозы. Научной ужъёссэс лабораториосын но предприятиосын эскерозы.
Дышетскись студентъёсты Россиысь кужмо предприятиосы стажировкае келялозы. Практикае ысъялозы кунгож сьӧры но. 2-тӥ курсысен умой дышетскисьёслы нимысьтыз стипендиос тырозы.
Кивалтӥсьёс, специалистъёс но палэнэ уз кыле. Соос понна но дышетон курсъёс радъяськозы. Кылсярысь, Ижысь гурт удысъя академилэн «Июльское» учхозаз.

Елена Сараматова

Ангелина Снигирева
By Ангелина Снигирева 7 августа, 2019 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<