Вамышъян кузьма шумпотон

Ангелина Снигирева
By Ангелина Снигирева 28 августа, 2019 16:14

Кылем суббота нуналэ Ижысь Киров нимо паркын скандинав амалэн ветлонъя 4-тӥ калыккуспо фестиваль ортчиз. Тазалыклэн арезлы сӥзем ужрадэз радъяны юрттӥзы Удмуртиысь Правительство но Скандинав амалэн ветлонъя федерация.

Шаерамы улӥсь бодыосын ветлон’н мыло-кыдо эшъясько
Фото: udmurt.ru

Бадӟым ужрад шулдыр праздниклы пӧрмиз. Вамышъяны мылкыд карисьёс 2 сюрс 500 пала люкаськизы. Фестивале люкаськемъёслы но вожвылъяськыны дасяськисьёслы капчи мылкыд сӥзизы шаерысьтымы Скандинав амалэн ветлонъя федерациен кивалтӥсь Григорий Ушаков, Кун Думаысь депутатъёс Валерий Бузилов но Алексей Загребин, калыкез улон-вылонын утён политикая но ужъя министр Татьяна Чуракова, Удмуртиысь Общественной палатаен кивалтӥсь Рашит Хуснутдинов. Кивалтӥсьёс пусйизы; Россиысь мукет улосъёсын ӵошатыса, пыдын вамышъясьёсмы асьме шаерын котькытынлэсь уно. Фестивале пыриськыны мылкыд карисьёслэн но лыдзы арысь аре йылэ. 1-тӥ араз та ужрадэ 400 адями гинэ пыриськиз ке, туэ 800-лэсь ятырез медаль понна нюръяськиз. Соос вуэмын вал Удмуртилэн пӧртэм сэрегъёсысьтыз, артысь улосъёсысь но кунгож сьӧрысь — Испаниысь, Нигериысь, Франциысь, Польшаысь, Казахстанысь но Белоруссиысь — куноос но вожвылъяськонэ пыриськизы. Спортэз яратӥсьёс та нуналэ 3, 5, 10 но 42 иськеме бызьылӥзы.

Иже пӧртэм кунъёсысь спортсменъёс вуизы
Фото: udmurt.ru

Кин ке медаль понна ӵошатскиз, нош кин ке, калыкен ӵош вамышъяса, капчи мылкыд басьтӥз. Ужрадэз учкыны лыктэмъёслы шонер вамышъянъя мастер-классъёс возьматӥзы. Мылкыд карисьёс ГТО-лэсь куронзэ быдэстӥзы, пӧртэм площадкаосын концертъёс пуктӥзы. Ужрад дыръя Тазалыклы сӥзем ульча ужаз, вань мылкыд карисьёс терапевтлэсь, диетологлэсь, офтальмологлэсь, ортопедлэсь консультация басьтыны быгатӥзы, вир зӥбетсэс эскеризы, вирзэс сётӥзы.
Ӵошатскон сярысь ке верано, 1 иськемез 450 адями, 3 иськемез — 250 мурт, 5 иськемез — 67 мурт, 10 иськемез 30 мурт ортчиз, 42 иськемез 12 мурт мынӥз. Марафонэз бызьылӥсьёс пӧлын вормизы Ува каргуртысь Дмитрий Веретенников, но Сарапулысь Юрий Гордеев.

Валентина Емельянова

Ангелина Снигирева
By Ангелина Снигирева 28 августа, 2019 16:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<