Анай кылын пӧртэм крезьгур

Ангелина Снигирева
By Ангелина Снигирева Август 14, 2019 11:49

Тангыра — удмуртъёслэн вашкала крезьгуро инструментсы. Ӵапак со ним сётӥз туала этнокультуралы сӥзем фестивальлы. Ужрад Ижкарысь Киров нимо паркын 9-тӥ гудырикошконэ ортчиз.

Ижысь Киров нимо парке тангыра пуктӥзы
Фото: М. Егоров

Ӵукнаысен ини паркын улон пӧзиз. Пӧртэм улосвылъёсысь вуэм крезьгуро группаос, кырӟасьёс концертлы дасяськыны кутскизы.

Удмуртиысь дизайнеръёс, пӧртэм студиос асьсэ этноужъёссэс адӟытӥзы, мастер-классъёс ортчытӥзы. Куэм суйпоскес, утись мунё, горд сюйлэсь шулан — таӵе синпель кузьымъёс асьсэлы лэсьтӥзы фестивале люкаськемъёс.

Марий Элысь дизайнер Евгения Кошкина но ужъёссэ вайиз:

— Удмуртия мон понна 2-тӥ доре кадь ини, — шуэ со. — Татчы пӧртэм форумъёсы, семинаръёсы ветлӥсько, выль мылкыдын, малпанъёсын пыӵасько.

Та нуналъёсы Ува ёросысь Булай гуртын этнофутуристической симпозиум ортчиз, ӵапак отысь вуэм фин-угор шаман оркестр усьтӥз «Тангыра» фестивалез.

Ужрадын 7 элькунысь артистъёс асьсэ крезьгуренызы
паймытӥзы. Фестивале Удмуртиысь пӧртэм крезьгуро амалъёсын кырӟасьёс пыриськизы.

Асьме кырӟасьёсмы сяна, фестивале мукет элькунъёсысь артистъёс но вуизы, ваньзы соос анай кылынызы кырӟазы.

Башкириысь «Аргымак» группа уно калыкъёслэн крезьгуро инструментъёсынызы шудӥз, Татарстанысь Baradj группа творчествоез пыр егитъёсты выжыосынызы тодматыны тыршиз, Чувашиысь «ЯлАр» группа баянэз но электрогитараез, чуваш гуръёсты но рокез, блюзэз, heavy metal-эз огазеяз.

Концертэ фин-угор эшъёсмы но вуизы. OYME
группа Москваын кылдӥз ке но, эрзя но мокша кылъёсын кырӟа. Отысь — Ежевика Спиркина учкисьёсты перфомансъёсыныз, мордва сям-йылолъёсын тодматӥз. Йошкар-Олаысь «Куат» группа крезьгуръёсаз гитарной фингер-стайл амалэз кутэ, ӵапак со ик та группалы выль шӧм пыртэ. Нош Карелиысь Ondrei рэп быдэстӥз.

«Тангыра» фестиваль уйшорозь кыстӥськиз. Пӧртэм интыосын, пӧртэм крезьгуро жанръёсын, пӧртэм кылын тунсыко туала крезьгур лэсьтыны луэ вылэм.

Мария Емельянова

Ангелина Снигирева
By Ангелина Снигирева Август 14, 2019 11:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<