Черсӥськонэз тодо на

Ангелина Снигирева
By Ангелина Снигирева Июль 9, 2019 17:08

Туэ Шаркан ёросысь Мувыр-Вишур гуртын аспӧртэм юбилей луоз: 19-тӥ-20-тӥ пӧсьтолэзе быдэ вуонлы сӥзем Эру шулдыръяськон татын 5-тӥзэ ортчоз ини. Азьло аръёсы «Шунды» огазеяськонлэн ужрадэз пӧртэм ёросъёстӥ юмшаз, али Шаркан ёросэ интыяськиз.

Фото: «Шунды» огазеяськонлэн «ВКонтакте» бамысьтыз

— Милем кельше, кызьы Мувыр-Вишурысь лулчеберетъя юртын ужасьёс Эруез радъяло, — вера «Шундылэн» тӧроез Алина Чернова, — соосын огкылысь ужаськомы, егитъёслы зэмос праздник лэсьтӥськомы.
Эру — вашкала удмуртъёслэн сям-йылолзы, отын быдэ вуись егитъёслэсь быгатонлыкъёссэс эскерылӥзы, дасесь-а, пе, соос бадӟым улонлы. Нош али со шулдыръяськонлы пӧрмемын, удмуртъёслэсь вашкала сямъёссэс туала улонэ выжтэ, егитъёслы тодматскон инты луэ.
— Шулдыръяськонэ пыриськыны, ог-огенызы ӵошатскыны пӧртэм ёросъёсысь но элькунъёсысь командаос мылкыд каризы.Туэ ми Шаркан, Вавож, Пичи Пурга ёросъёсысь егитъёсты витиськомы, — вераз Мувыр-Вишур гуртысь лулчебертъя юртлэн кивалтӥсез Ольга Широбокова, — Татарстанысь команда но котьку мыло-кыдо пыриське, нырысьсэ туэ Пермь улосвылысь егитъёс вуозы. Азьло Эруез 1 нунал ортчытӥськомы вал, но адямиос сонякемысь но дорамы вуо бере, кемагес куноятэммы потӥз. 2 нуналлы шулдыръяськонмес чакламы. 1 нунал куспын егитъёс тодматскыны но уг вуо, нош татын ваньзы Петунька школаын изё, верасько, кырӟаса-вераса пуко.
Шулдыръяськонэз учкыны вань мылкыд карисьёсты возьмало. Егитъёс асэнызы тодматозы, кырӟалозы, эктозы. Тужгес но тунсыкоез «Кык дыдыкъёс» ӵошатскон луоз. Отчы командаысь быдэн одӥг ныл но пи пыриськозы: карнанэн ву нуллозы, пукыӵен ыбылӥськозы, черсозы, пу вандозы.

Мария Емельянова

Ангелина Снигирева
By Ангелина Снигирева Июль 9, 2019 17:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<