Чебер, визьмо, амало

Ангелина Снигирева
By Ангелина Снигирева Июль 23, 2019 16:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кытчы ышиз «Чеберай» конкурс? Луоз на-а со яке уз ни ортчылы? — Та юанъёслы валэктон удмурт нылъёс 2014-тӥ арысен утчало ни. Уго ӵапак соку Ижкарын берпуметӥез чеберлыкъя элькун вожвылъяськон ортчиз. Туэ тодмо луиз: шаерамы выль «Чеберай» радъяськоз.

Проект бордын ужасьёс
Фото: «Чеберай» марафон» «ВКонтакте» бамысь

Кема возьмам ужрадлы пӧсьтолэзе кутскон сётӥзы. Выль конкурс азьлооосылэсь трослы висъяськоз. Солы «Нылкышно творчествоя «Чеберай» марафон» ним сётэмын. Проект ар но ӝыны пала кыстӥськоз. Со дыр куспын удмурт нылашъёс но кышномуртъёс понна 3 пумо ужрад чакламын: интернет вожвылъяськон, бизнесэн герӟаськем дышетон семинаръёс, собере бадӟым сцена вылын луоз финал, «Чеберай» йӧскалык конкурс.
Таӵе бадӟым проектэз ортчытон понна «Удмурт Кенеш» огазеяськон Президентлэн грантъёсъя фондысьтыз бадӟым грант утыны быгатӥз. Ужрад элькунысь Лулчеберетъя но Йӧскалык политикая министерствоослэн юрттэменызы радъяськоз.

— «Чеберай» марафонэ пырись ӧръёс нимысьтыз ужрадъёслы пӧрмыны кулэ, — валэктӥз проектлэн радъясез Ксения Широбокова, — али, кылсярысь, вотэсын удмурт кылын гожъяськись нылмуртъёс понна «Инстачеберай» вожвылъяськон мынэ ни. Нош куарусёнысен ми командаенымы ёросъёсы потаны кутскомы. Котькуд ёросын ужбергатонлы сӥзем дышетон семинаръёс ортчытомы. Гуртысь нылмуртъёсты бизнесэ нуись сюресъёсын тодматомы. Озьы ик стиль, мода сярысь вераськомы, вотэсын блог нуыны дышетомы.
Дышетон семинаръёс ортчытон радын «Чеберай» конкурслэн финалаз шедён понна быръёнъёс ортчозы. Али отборочной этапе пыриськыны мылкыд карисьёслэсь вазиськонъёссэс возьмало. Ужрадэ 18-сен кутскыса, 50 аресозь удмурт чеберайёс-усточиос пыриськыны быгатозы. Мукет куронъёсын «ВКонтакте» огинысь https://vk.com/cheberaj_marafon бамын тодматскыны луэ.
Вотэсысь ик «Инстачеберай» конкурсэ пыриськись нылашъёслэсь ужъёссэс но шедьтыны луоз. Таиз ужрад Интернетын удмурт кылэз вӧлмытонлы сӥземын. Вань мылкыд карись нылашъёс «ВКонтакте» но «Инстаграм» огинъёсын 4 пумо темаосъя мылкыдъёссэс гожъяло. Интернет конкурс азьланьтӥське на. Проектэ али ке но пыриськыны луэ. Устоосызлы уно кузьымъёс дасямын.

Анастасия Пушкина

Ангелина Снигирева
By Ангелина Снигирева Июль 23, 2019 16:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<