Ултӥясьёс но ултӥямъёс

Ангелина Снигирева
By Ангелина Снигирева Июль 9, 2019 11:22

Приволжск федерал округын ортче «Театральное Приволжье» фестиваль. Ижысь «Птица» театр пыриськоз Удмуртиын ортчись этапаз «Больно молчать» постановкаен.

Спектакльысь суред
Фото: Мерзляков Сергей

«Больно молчать» спектакльлэн интъетэз луиз Юлия Дудкина журналистлэн Meduza изданилы гожтэм материалэз. Журналист мадиз, кызьы сое, школаын дышетскыкуз, мукет пиналъёс ултӥяса возизы. Спектакль пиналъёслэсь лек луэмзэс, пичи дыръязы мыскыллям адямиослэсь лул яраоссэс эскере.

— Спектакль документальной но, крезьгуро но, — вера театрлэн режиссёрез Светлана Шанская. — Ми валаны тыршим, малы пиналъёс ог-огзэс вӧсь каро, ма бордысь мыскыллян потэ. Актёръёсмы кырӟанъя но эктонъя педагогъёсын ужазы, спектакльлы «У-ха» группа юри крезьгур гожтӥз, со сяна, егит группаослэсь кырӟанъёссэс кутӥм.

Спектаклез учкыса, тросэз куро: возьматэ милям тодмоосмылы: школаын дышетскисьёслы, соослэн анай-атайёссылы, мед соос валалозы, макем кӧшкемыт со — пиналэз уллёен ултӥян. Тросэз асьсэды спектакльысь тодмало. Кин ке ӵошен дышетскись эшсэ ултӥяса возиз, кинэ ке ачиз сьӧсьяськиз.

Фото: Мерзляков Сергей

«Театральной Поволжье» фестивале элькунысьтымы 55 заявка вуиз. Спектакльёсты учкыса, жюри устооссэ кӧня ке номинациын быръёз. Вормисьёс конкурслэн 2-тӥ этапаз пыриськозы, со ортчоз 1-тӥ августысен 31-тӥ октябрёзь. Фестиваль йылпумъяськоз Нижний Новгородын — татын бадӟым концерт ортчоз, вормисьёсты данъялозы.

Виктория Крамова

Ангелина Снигирева
By Ангелина Снигирева Июль 9, 2019 11:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<