Удмуртиысь 70 пар кузпалъёсты данъязы Яратонлэн но семьялэн нуналаз

Ангелина Снигирева
By Ангелина Снигирева Июль 8, 2019 16:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Валче кема улӥсь но ӟеч нылпиосты будэтэм семьяосты пусъён дыръя
Фото: udmurt.ru

Валче улэмзы понна, будӥсь нылпиоссылы ӟеч сям возьматэмзы понна соосты пусйизы «За любовь и верность» медальёсын.
Ижын та нуналэз пусъё уката чебер интыын – Дун Чылкыт Михаиллэн соборез азьын. Татын пуктэмын Пётр но Феврония Муромскийёслы сӥзем синпелет. Шоркарысь 24 семьяосты данъянэ пыриськизы Удмуртиысь Правительстволэн воштӥсез Анастасия Муталенко но Иж но Удмурт Епархилэн Митрополитэз Викторин.

Семьяосты данъян ужрадэз радъясьёс пӧлын «Огъя Россия» партилэн «Крепкая семья» проектэзлэн кивалтӥсез, Калыкез улон-вылонын утён политикая но ужъя министр Татьяна Чуракова.

— Туннэ сӥлы кариськомы йыг-йыг семьяосты – соос тодо шумпотонъёсты но, пыр потӥзы шугадӟонъёсты но. Асьсэлэн чиданзы пыр соос адӟем карымон луо нылпиоссылы но, котырысь семьяоссылы но, — вераз вице-премьер.
Митрополит Викторин пусйиз: черк вӧзын та семьяос юнме люкаськемын ӧвӧл – соослэн яратонзы юнмамын ни арысь аре.

— Семьяез юнме уг нимало пичи черк шуыса. Семья уг возиськы яратонтэк. Тӥ тамында аръёс ӵоже сое ваньмызлэсь ӟеч тодӥськоды. Семья – со ӟус вылын артэ пукон яке урам кузя ваче ки кутскыса калтыртон гинэ ӧвӧл. Яратэ ог-огдэс, — сӥзиз люкаськемъёслы митрополит.
Котькуд семьялы улыны кужым сёто пушъетъёсыз. Тани кин ке 1-2 пинал вордэм, нош Актыбаев кузпалъёс 31 ар валче улытозязы 6 нылпи будэтӥзы. Нош Абрамовъёс ваньмызылы адӟем карымонэсь – 54 ар ӵош уло ни. Котькуд семья та празднике нылпиосынызы но нунокъёсынызы ӵош лыктӥзы. Соос ӟыгырто, чупало, сяськаосын шумпотто анай-атайёссэс но песянай-песятайёссэс. Иське, азьланяз но мед кылдозы юн семьяос, вордскозы тросгес нылпиос.

Елена Скворцова

Ангелина Снигирева
By Ангелина Снигирева Июль 8, 2019 16:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<