«Тон мыным кельшиськод»

Ангелина Снигирева
By Ангелина Снигирева Июль 9, 2019 14:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Семьялэн но яратонлэн нуналазы «Мынам Удмуртие» радиое меӵак эфире вуылӥзы Удмуртилэн Тӧроез Александр Бречалов но кузпалыз Елена Николаевна. Кузпалъёс тодматскизы, 5-тӥ классын дышетскыкузы. Со нуналысен ик ӵош луэмзэс чотало — соос 34 ар артэ вамышъяло ни.

Елена но Александр Бречаловъёс
Фото: udmurt.ru

— Ми мукет районысь выжимы. Выль школае мынӥ 1985-тӥ арын 2-тӥ апреле. Со нуналэ ик записка вуиз: «Тон мыным кельшиськод». Со дырысен эшъяським, — шуэ Елена Николаевна.

— Анай-атайёсымы узыресь ӧй вал ке но, тыршизы сюан ортчытыны, калык сямъёсты чакласа. Соин ми 2 нунал ӵоже ог 100 кузя юмшамы. Милемлы со сюан туж тодэ вайымон кылиз, — вераз Александр Владимирович.

Нош сюан бере путешествизы егит кузпалъёслэн туж вакчи вал: Краснодарысен Чкаловскозь. Военной институтэз йылпумъям офицер Александр Бречалов Чкаловскысь гарнизонын службазэ нуиз. Сюан ортчытыса, служба нуон интыяз мыноно вал ни. Соин машиналэн багажниказ сылалтӥськемен банкаос, мешокен картошка тырыса, егит семья дыртӥз Москва улосэ.

— Военнойёслы соку трос уждун но ӧз тыре, дыраз но уг луы вал со, соин кытчы ке зарезь дуре мынон сярысь малпан но ӧй вал, — шуэ Александр Владимирович.

Москвае выжемзы бере Бречаловъёслэн лыдзы йылӥз — вордскизы кыктооссы. Эмъясьёс азьло ик ивортӥзы, ныл но пи луоз шуыса. Александр Владимирович соку ик нимъёс шедьтӥз: Артём но Настя. Елена Николаевна малпаськыны дыр куриз.

— Мон секытэн дыръям больницаын кылли. Выль аре доре лэзизы. Ӝӧк сьӧры пуксим но Саша кыл вераны султӥз: «Ӟечкыласько Выль арен: милям семьямылэн но нылпиосмылэн — Артёмлэн но Настялэн — нимынызы…» Озьы вордскемзылэсь азьло ик пиналъёсмылэн нимзы вал ни, — шуэ Елена Бречалова.

— Кыктоосын секыт, нош 3 арес котыразы туж капчи ни — соос ог-огенызы шудо, эшъясько. Озьы бадӟым будыса но, ог-огзылы туж матын луо, — вера Александр Владимирович.

Табере пиналъёссы студентъёс ини — дышетскыны пыризы Москваысь кун университетэ. Настя бырйиз медицинаез, Артём — юриспруденциез.

— Нылпиослы ми номыр ӧм ӵектэ. Со асьсэлэн быръем сюрессы. Настя пичиысен эмъяны мылкыдыз сярысь вералляз. Артём уггес тоды на: право удыс но кельше, педагогика но яра, пе. Ми нылпиосын ум кивалтӥське, ми анай-атай сямен кулэ соослы юрттыны, ӝутскыны луонлык сётыны, — шуизы Бречалов кузпалъёс.

Сергей Захаров

Ангелина Снигирева
By Ангелина Снигирева Июль 9, 2019 14:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<