Сиёнлэн шӧмыз но калыклэн тусыз

Ангелина Снигирева
By Ангелина Снигирева 31 июля, 2019 16:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тӧро Александр Бречалов но Пичи Пурга ёросысь Брангуртысь песянайёс Москваын усьтӥзы Удмурт Республикалэсь арнязэ.

Москваын перепеч пӧрало Брангуртысь песянайёс но А. Бречалов
Фото: udmurt.ru

Ужрад сӥземын Удмурт Элькунлы 100 ар тырмонлы, ортче Ростуризмлэн «Россиысь сиён-юонъя карта» проектэз улсын. Европаысь тужгес ӝужыт «Ruski» ресторанын пӧраськыны, куно пумитаны быгатэмзэс возьматӥзы Брангуртысь песянайёс, Удмуртиысь тодмо шеф-поваръёс, ресторан возисьёс. Журналистъёс, туризмен вырисьёс понна соос дэмен перепеч пыжизы.

— Удмуртиын ческыт сюдыны, куно пумитаны туж быгато. Та сярысь верало лыдпусъёс но. Сарапулэ — вашкала дырысен вузчиослэн городазы — арскын 9,5 сюрс туристъёс вуыло. Отын 4 ресторанзы. Удмуртиысь сиён-юон огшоры ке но, со сиён шоры мукет синмын учкыны дышетэ: макем огшорыгес, сокем пайдаёгес. Шуом, калягалэсь пельнянь кутыны луэ вылэм. Туннэ туристъёслы сиён-юон дасян сямъёс пыр Удмуртилэн культураеныз тодматскыны луонлыкъёс паськыт усьтӥсько. Кылсярысь, мастер-классъёс ортчыло «Лудорвай» музей-заповедникын, сюлмысьтызы куно пумиталляло Брангуртысь песянайёс но, — шуиз А. Бречалов.
Куноос ческыт потыса сиизы вож сугонэн, шуэн перепеч, губиен, ӝожонэн, сылалтэм кубистаен пыжем сьӧдчабей пызьлэсь табань, ӵынатэм лосось, пӧйшур но кыр тылобурдо сӥльлэсь лэсьтэм колбаса, сыр. Пумаз куноослы пуктэмын вал коньыт сиён — чечыен, льӧмын, горд сутэрен, «Иднакарен» сурам кеч йӧл. Нырысьсэ «Ruski» ресторанлэн менюяз пыртэмын мусэн кубистаен сюкась. Сюкась полы юдӥзы лудкечлэсь муссэ, сылалтэм кубиста но вож сугон. Озьы ик ресторанын дэмланы кутскозы тӧдьы губиен но ӟазег сӥльын йыды кеньырлэсь (перловка) ӝук.

— 2012-тӥ арын «Евровидениын» удмурт песянайёс вормем бере быдэс дунне тодӥз, Россиын пӧртэм калыкъёс уло шуыса, — вераз «Россиысь сиён-юонъя карта» проектлэн координаторез Екатерина Шаповалова. — Отын песянайёс перепечен утялтӥзы бере, та сиёнды туж умой вузаськиз, 2018-тӥ арын футболъя чемпионат ортчыку но. 80 сюрслэсь трос болельщикъёсты пӧртэм пушкесэн перепечъёсын куноятӥзы ижъёс — «Емелины печи» проектэз кылдытӥсьёс. Удмуртилэн Москваын арняез эшшо огпол возьматэ: Россиын мызен мильым но борщ гинэ уг сиё. Россиез табере Брангуртысь песянайёслы луыса тодмало, соос Россилэн тужгес тодмо брендъёсыз пӧлы пыризы. Ми вань туристъёсы ӧтиськомы Удмуртилэсь шӧмзэ но валаны.
«Россиысь сиён-юонъя карта» прект 2017-тӥ арысен быдэсъяське, странаысьтымы калыкъёслэн пӧраськон амалъёсынызы тодматэ. Кылем арын гинэ 12 улосъёс фестивальёсын асьсэ сиён-юонэнызы тодматӥзы.

Сергей Захаров

Ангелина Снигирева
By Ангелина Снигирева 31 июля, 2019 16:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<