Пенсие потэм бере — университетэ

Ангелина Снигирева
By Ангелина Снигирева Июль 2, 2019 10:49

Удмуртиысь вузъёсын ужзэс мытӥзы приёмной комиссиос. Кылсярысь, Удмурт кун университетын абитуриентъёслэсь документъёссэс куто 20-тӥ июньысен.

Кутскиз приёмной комиссия

УдГУ-лэн ректорез Галина Мерзлякова но приёмной комиссилэн кыл кутӥсь секретарез Павел Ходырев валэктӥзы, маин туэ приёмной кампания висъяське. Таяз арын бюджет интыосы 2 сюрс 62 адямиез кутозы. Со пӧлын 1 сюрс 206 инты бакалавръёслы чакламын, 741 — магистрантъёслы но 115 — шоро-куспо профессиональной образование (СПО) басьтӥсьёслы.

Приёмной комиссия 26-тӥ июлёзь ужа. Куд-ог институтъёсы пырон понна абитуриентлы творческой задание быдэстоно яке нимысьтыз экзамен сётоно луоз на. Сыӵе институтъёсын приёмной комиссилэн ужез вазьгес йылпумъяськоз. Кылсярысь, дизайнъя но искусствоосъя институтын документъёсты 11-тӥ июлёзь куто, Удмурт кылосбуръя, финно-угроведениея но журналистикая институтын — 17-тӥ июлёзь.

Магистратураын дышетскыны мылкыд карисьёслэсь документъёссэс 31-тӥ июлёзь витё. Нялтас вераса, берло дыре магистратурае пырись арлыдоослэн лыдзы йылӥз. Пенсие потэмъёслэн но выльысен студент луэмзы потэ — сыӵеос тросгес пумисько Педагогикая но психологияя институтын.

Котьку сямен, абитуриентъёслэсь ЕГЭ понна баллъёсэс чаклалозы, озьы ик пӧртэм удысъёсын вормонъёссэс лыдэ басьтозы. Ватсаса 10 баллозь басьтыны быгатозы университетлэн конференциосаз но олимпиадаосаз вормисьёс, школаез зарни но азвесь медальёсын йылпумъямъёс, ГТО значокез басьтэмъёс но мукет. УдГУ-ын ог 100 пӧртэм вормонъёсты чаклалозы. Азьвыл сямен ик, зарни медалистъёслы Удмуртиысь Тӧролэсь стипендизэ тырозы — 5 сюрс манет.

Туэ целевой квотаен дышетскись студентъёслэн лыдзы йылоз. Кылем арын 71 целевой инты висъямын вал ке, таяз арын — 230. Но туэысен штрафъёс юнматэмын: целевой квотаен дышетскем выпускник одно ик 3 арзэ сое дышетскыны ыстэм предприятиын ужаны кулэ. Сотэк предприятие яке выпускник дышетскем понна коньдонэз университетлы берыктоно луозы.

Трос абитуриентъёс Иже вуо Удмуртиысь ёросъёсысь яке мукет улосъёсысь. Галина Мерзлякова верамъя, Иже вуэм вань студентъёслы общежитие сётэмын луоз.

Кылем аръёсын ӵошатыса, абитуриентъёслэн ЕГЭ понна шоро-куспо баллзы йылӥз. УдГУ-лэн вотэс бамаз ужа «абитуриентлэн калькуляторез». ЕГЭ понна баллъёссэ гожтыса, абитуриент лыдъяны быгатэ, кыӵе факультетэ дышетскыны пырыны солы капчигес луоз.

Анастасия Шумилова

Ангелина Снигирева
By Ангелина Снигирева Июль 2, 2019 10:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<