Нюнягурт вӧзын вӧлскиз элькун Гербер

Ангелина Снигирева
By Ангелина Снигирева Июль 1, 2019 14:29

Та праздниклы паськыт возьвылэз турналлям эграос – вань азбаръёсты котыртыны, мастер-классъёсты адӟыны, кырӟась-эктӥсьёсты учкыны нунал ӧз тырмы.

Таӵе инты ик возьматӥз кадь: эграос куно пумитало ке, вань сюлмысьтызы. Сюдо-сектало ке, номырзэс жалятэк. Кырӟало-экто ке, жадёнэз тодытэк.
Шӧдӥськиз, Эгра ёросысь котькудӥз адями сюлмаськиз элькун праздникез шулдыргес карыны. Кин ке куно пумита, мукетыз вашкала киужъёсты возьматэ, куинетӥез ӝук пӧзьтэ.
Ужрадлэн пусэз – кубо колёса. Со возьматэ дырлэсь ортчемзэ но, улонлэсь выльдӥськемзэ но, калык сямъёслэсь нуналысь нуналэ выжемзэс но. Озьы кубо питранлэн тусыз вал валтӥсь сцена вылын но, возь вылысь капка йылын но, эктӥсьёслэн киязы но.
Гербер – со нырысь ик музъем ужасьёслэн праздниксы. Удмуртилэн Тӧроез Александр Бречалов пусйиз:

— Россилэн Президентэз бадӟым саклык висъя гуртэз азинтонлы, татын улӥсьёслэсь улонзэс ӟечомытонлы. Асьме понна но со валтӥсез луэ. Удмуртия азьмынӥсьёс радын йӧл кысконъя, сиён-юон поттонъя. Озьы ке но чаклам ужъёс трос на: соос пӧлын выль сюресъёс ӝутон, газ пыртон, егит специалистъёслы улон инты висъян.
Соин гуртэ кылись егит семьяослы кун ласянь но юрттэт луыны кулэ. Туэ Удмуртие 170 миллион манет вуоз «Устойчивое развитие сельских территорий» федерал програмая. Со чотын Удмуртиысь 310 семья улон интызэ ӟечомытыны быгатоз. Герберын Удмуртилэн Тӧроез коньдонэн юрттэтлы сертификат сётӥз Эгра ёросысь Верх-Нязь гуртысь трактористлы Сергей Широбоковлы, Дэбес ёросысь Турнес гуртысь трактористлы Василий Даниловлы, Дэбес ёросысь Зар-Медло гуртысь нылпи садын ужасьлы Вероника Ивановалы, Дэбес ёросысь ик Варни клублэн кивалтӥсезлы Вера Каракуловалы но мукетъёсызлы.

Кун Кенешлэн Тӧроез Александр Прасолов тау каремзэ вераз Удмуртилэн дано муртэзлы Валентин Тубыловлы – со «Удмурт Кенешен» кивалтон вакытэ, 27 ар талэсь азьло, Алнаш музъем вылын нырысьсэ ортчиз Гербер. Табере та ӟеч сям луиз ни, арысь аре шулдыргес но паймымонгес радъяське. Ӟечкылан кылъёссэ сюлмысьтыз вераз «Удмурт Кенешлэн» президентэз Татьяна Ишматова но.
Герберын ужрадъёслы вис ик ӧй вал кадь. Кырӟан-эктонъёсты воштӥзы вожвылъяськонъёс — кужымзэс мертазы ёрос йыръёс. Соос бере — удмурт дӥсьёсты возьматон, нылпиос понна шулдыръяськон. Бӧрысь кырӟась эграосты воштӥзы Удмуртиысь мукет ёросъёсысь коллективъёс.
Сютэм ӧз кошкы Гербере лыктэм калык но. Ваньмыз понна 36 бадӟым пуртыын 2 сюрс 500 литр ӝук пӧзьтэмын вал. Дась тэркы-пуньы басьтыса, возь вылэ пуктэм ӝӧк-ӟуч котыре интыяськыса, котькудӥз быгатӥз гусъяськыны.
Герберлэсь пуссэ эграос сётӥзы вавожъёслы. Туж тупамон инты: Удмурт Республикалэн 100 ар тырмон араз, дано удмурт азьветлӥсьлэн Кузебай Гердлэн вордскем интыяз нош ик паськыт вӧлскоз Гербер.

Елена Скворцова

Туспуктэмъёс басьтэмын udmurt.ru сайтысь но Эшъяськон юртлэн «ВКонтакте» бамысьтыз

Ангелина Снигирева
By Ангелина Снигирева Июль 1, 2019 14:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<