Кызьы Кузебай Герд тылпулэсь утиськиз

Ангелина Снигирева
By Ангелина Снигирева 26 июля, 2019 13:19

12-тӥ пӧсьтолэзе Москваысь Литературалэн но искусстволэн кун архивазы (РГАЛИ) тылпу потӥз. Одӥг хранилищеез ӝуаса быриз. Ӵапак отын утисько вал Кузебай Гердэн герӟаськем документъёс.

1922-тӥ-1925-тӥ аръёсы Козьма Чайников дышетскиз Москваысь В. Брюсов нимо вылӥ литературно-художественной институтын (ВЛХИ). Студент вакытысьтыз личной ужез: заявлениосыз, запискаосыз, документъёсыз — архивын кыллизы. Фома Ермаков, К. Гердлэсь творчествозэ эскерись, вань документъёсты отысь ӧз печатла, нош куд-ог печатлам ужъёсын висъёс, валэнтэм интыос вань. Документъёслэн электронной копиоссы но лэсьтэмын ӧвӧл.
Мон Кузебай Гердлэсь улонзэ но творчествозэ эскерисько бере, архиве ӵем вуылӥсько. Кызьы архивын ужано? Нырысь отчы лыктоно но курон гожтоно, кулэ луись документъёсты мед дасялозы шуыса. Кӧня ке нунал улыса, тонэ лыдӟиськон залэ ӧтезы. Хранилищеын кулэ луись документъёсты шедьто но соосты лыдӟиськон залэ ваё. Тодосчи яке студент со материалэн ужаку, бумагаосты лыдӟиськон залысь корт ящикын возё.
Тылпу потон нунал азьын мынэсьтым юазы: документъёсты хранилищее нуоно яке лыдӟиськон залэ кельтоно? Мон соосты одӥг толэзьлы залэ корт ящике, кельтыны кури. Озьы К. Гердлэн документъёсыз но рукописьёсыз ӝуатэк кылизы. Абдрамон! Мынэсьтым азьло соосты басьяллям 1997-тӥ арын 25-тӥ июле (документъёсты кин ке басьтэ ке, гожтыса кельто).
Жаляса верано, куд-ог документъёсты мон, ачим валатэк, тылпуэ келяй ик. Институтлэн ведомостьёсаз вал оценкаос, семинаръёсысь лэсьтэм докладъёслэн нимъёссы. Ведомостьын пусъемын вал, К. Чайников семинар дыръя Анна Ахматовалэн творчествоезъя доклад лэсьтӥз вал шуыса. Ярам, та сярысь мон аслым гожтыса кельтӥ.
Али тодмо ӧвӧл, лыдӟиськон залысь корт ящикын кыллись документъёсын мар луиз — отчы калыкез уг на лэзё. Оскисько, соос изъянмемын ӧвӧл. Тылпу 4-тӥ этажын гомаз, нош лыдӟиськон зал 1-тӥ этажын интыяськемын.

Андрей Гоголев,

Москваысь литературной институтысь аспирант

Ангелина Снигирева
By Ангелина Снигирева 26 июля, 2019 13:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<