Коньыт картошка

Ангелина Снигирева
By Ангелина Снигирева Июль 2, 2019 10:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Куд-ог тодмоосы сад-бакчаосазы батат мерттыны кутскемын: бакчаез но шулдыртэ, солэсь пӧрам сиён но ческыт, тазалыклы ӟеч, пе. Кызьы сое будэтоно?

Бататэз нырысь удатоно

Алевтина Н. Пичи Пурга ёрос

Валэктэ биология наукаосъя кандидат Денис Зорин

Бататэз шаерамы уноез кельшытӥзы ни. Шӧмыз коньыт картошкалэн кадь, выжыезлэн тусыз ӵуж-кушманлэн порма, сое ик сиёно. Вуэмын пӧсь шундыё Лымшор Америкаысь, туала сортъёсыз асьме дорын но ӟеч будо, емыш сёто.

Батат 2 пумо луэ: куд-ог сортъёсыз тупало бакчаез шулдыртыны гинэ — куаръёсыз пуштыр-пуштыр чебересь, нош мукетъёссэ будэто сиыны. Нялтас вераса, декоративной бататэн шулдыртэмын Ижысь Октябрьлы 10 ар урам. Нош сиыны тужгес но тупало «Победа 100», «Афганский», «Любительский» сортъёсыз. Таоссэ валаса-быгатыса утялтӥд ке, выжыез 30 сантиметр но луыны быгатоз. Бататын, картошкаен ӵошатыса, крахмалэз но, сакырез но трос. Но кылем арын ортчытэм эскеронмы возьматӥз: асьме климатын будэтэм бататлэн микроэлементъёсыз картошкалэн кадь. Но со вие ик пищевой волокноосыз тросгес — та бордын ик бататлэн пайдаез, соос юртто ӝуш-сюллы ӟечгес ужаны. Куд-ог тодосчиос верамъя, ыль бататэз сиисьёс пӧлын, пе, пыктос висёнъёсын черлан учыръёс шергес пумисько…

Бататэз коньыт картошка шуиськом ке но, тусызъя но, будэтон амалъёсъя но со картошкалэсь воксё висъяське. Нырысь ик, вылтусыз но куаръёсыз ласянь: батат, пунысюл кадь, музъем вылтӥ вӧлдӥськыса будэ. Малпады ке солэсь «вож кенер» лэсьтыны, уз пӧрмы: вылӥе со уз буды. Одӥг квадрат метр вылэ 2 модос мерттӥды ке, со 5 метрлы пасьтана вӧлскыны быгатоз. Кыкетӥез: картошкаез клубенен мерттӥськомы ке, бататэз модосэн гинэ мертто. Соин ик, картошкаен ӵошатыса, таиныз выронэз тросгес.

Картошкаез сямен копано

Кызьы сое мерттоно? Тол вылтӥ потэм емышсэ-клубеньзэ апрельлэн кутсконаз 30-35 градусъем шуныт интые пуктоно: укно дурын муэ согыса (клубеньзэ выдтыса) но вуэн киськаса возёно. Музъемез кӧсаса медаз вутты. Озьы одӥг емыш бордысь кӧня ке модос потыны кулэ. Соосты бордысьтыз ишкалтоно но кӧня ке нунал вуын возёно на: выжыоссы мед кылдозы. Май толэзе, шуныт кариськем бере, бататлэсь модосъёссэ бакчаяды поттыны луоз ни. Но гольык инбам улэ вазь на: парнике гинэ яке убо вылэ шобыръяса — батат угось уг яраты салкым куазез но кезьыт музъемез. Соин ик бакчае поттыны тужгес тупась вакыт — июньлэн кутсконэз. Мерттыкуды модосъёслэн кусыпсы 40 сантиметр мед луоз. Эн вунэтэ, со туж аля, соин ик мукет емышъёслэсь палэнэгес выжыятэ.

Картошкаез кадь, бататэз ӝуткано но, сокем уроно но ӧвӧл. Музъемез гинэ небыт но кот медло. Августлэн шорозяз ву киськано, собере дугдоно — ӵапак соку солэн будон кужмыз выжыяз кошке, сокем трос ву кулэ уг луы ни.

Бататлэсь трос пумо ческыт сиён пӧраны луэ. Одӥгъёсыз сое, картошкаез сямен, пыжо но йӧлвылэн сиё, мукетъёсыз коньыт чипсы лэсьто.

Туспуктэмъёс басьтэмын sveklon.ru

Ангелина Снигирева
By Ангелина Снигирева Июль 2, 2019 10:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<