Кенер сьӧрын но шулдыр медло

Ангелина Снигирева
By Ангелина Снигирева 31 июля, 2019 16:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Кенешлэн Тӧроезлэн воштӥсез, «Огъя Россия» партилэн Удмурт ёзэзлэн секретарез Владимир Невоструев, нацпроектъёслэсь быдэсъяськемзэс эскерыса, вуылӥз Шаркан ёросэ.

Шарканы лулчебертъя юртэз тупато
Фото: udmgossovet.ru

Кырӟась-эктӥсьёслэсь мылкыдзэс ӝутоно

Нырысь депутатъёс кожизы Шаркан черкогуртысь огаз азбаре. Татын трос квартираем юрт сылэ. Отын улӥсьёс асьсэлэсь азбарзэс чебер карыны сюлмаськизы. Бюджетысь уксёез сяна, адямиос софинансирование амалъя люкам коньдонэз уже кутӥзы. Со чотын азбаре выль асфальт вӧлдэмын, машина пуктон интыос висъямын, нылпиослы площадка пуктэмын. Котырыз но туж чебер: турнамын, сяськаос мерттэмын.

— Шумпоттэ: адямиос асьсэ корказы понна гинэ уг сюлмасько, азбарзэс но шулдырто. Калыклэн улон шоры учконэз воштӥське, та юн ӟеч, — пусйиз Владимир Невоструев.
Шарканын улӥсьёс мылкыдзэс веразы: софинансирование амалэз азбаръёсты тупатонын сяна, капремонтын но кутыны мед луысал.
Шарканысь культурая юртын али тупатъян ужъёс мыно. Соин ӵош ик юрт котырзэ но выльдо. Таӵе ужъёсты ортчытыны юрттэ «Пичи Дорлэн лулчеберетэз» партийной проект. Туэ озьы ик трос коньдон висъяське республикаямы кутэм «Культура» проектъя. Со чотын мукет ёросъёсын но ужъёс мыно.

— Гуртын трос быгатӥсь адямиос. Соос сюлмаськемен но тыршемен, азинске калык культура. Кылсярысь, Шаркан ёросын 29 коллектив — соосты тодо районын но, республикаын но, шаермылэн палэназ но. Соос мед азинскозы шуыса, кулэ ӟеч условиос. Мед быгатомы юрттыны ужан тӥрлыкен но, инструментъёсын но, — вераз Владимир Невоструев.
Шарканын нацпроектъёс чотын быдэсме мукетыз но объект — Куасэн бызьылонъя улосвыл (региональный) центр. Со сярысь пыр-поч мадиз ёросысь Депутатъёслэн Кенешсылэн тӧроез Дмитрий Орлов. Ӵапак Шаркан ёросысь потэмын куасэн бызьылӥсь чемпионъёс — Владимир Никитин, Максим Вылегжанин. Соин центрлы инты юнме быръемын ӧй вал. Туэ сӥзьыл Куасэн бызьылонъя центрлэн нырысетӥ корпусэз вуоз — татын спортзал но трибунаос интыяськозы. Вуоно арын лэсьтыны кутскозы куасэн но роликъёсын бызьылон трассаез.

Сергей Захаров

Ангелина Снигирева
By Ангелина Снигирева 31 июля, 2019 16:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<