Иж ӧтчаське

Ангелина Снигирева
By Ангелина Снигирева 24 июля, 2019 15:45

Туэ 19-тӥ сентябре шаермы 8-тӥзэ пусъёз Пыӵал тӥрлык поттӥсьлэсь нуналзэ. Туэ со ортчоз быдӟым конструкторлэсь М. Калашниковлэн 100 ар тырмонзэ пусъён улсын.

Шор площадьын лэсьтӥськон уж мынэ
Фото: А. Снигирёва

Ужрадлы дасяськонэн герӟаськем ужпумъёсты сэрттон вылысь Тӧро А. Бречалов доры люкаськылӥзы оргкомитетэ пырисьёс. Правительство, озьы ик «Калашников» но «Развитие» ассоциация сюлмаськемъя, кылдытэмын нимысьтыз план. Соя уно пӧртэм ужрадъёс чакламын. Соос кутскозы 18-тӥ сентябре, йылпумъяськозы 22-тӥ сентябре.
А. Бречалов ивортэмъя, Оружейниклэсь нуналзэ пусйыны шаерамы уно сюрс куноос вуозы. Витиськомы Россилэсь Президентсэ В. Путинэз, Промышленникъёслэн но ужбергатӥсьёслэн огазеяськонзылэсь кивалтӥсьсэ Александр Шохинэз, 85 улосъёсысь куноосты. Радъяськоз обороная предприятиослэн туала ужпумъёссылы сӥзем бадӟым форум. Тужгес но бадӟым саклык висъяськоз калыклэн улоназ кутӥськись продукциез поттонлы, сое вӧлмытон но табыш поттон амалъёслы. Форум улсын озьы ик ортчозы шаерамы поттэм продукциен тодматӥсь ужрадъёс, юнматэмын луозы соосты палэнэ вузан сярысь огкылъёс. Оружейниклэсь нуналзэ пусъён элькунмылы котыр ласянь пайдаен берытскыны кулэ, шуиз А. Бречалов.
19-тӥ сентябре М. Калашников нимо технопарк усьтӥськоз. Со чакламын пиналъёслы. Улыно-вылыно юртын луозы, кылсярысь, робототехникалы, компьютер технологиослы сӥзем сэрегъёс. Технопарклы кулэ луись оборудованиез басьтон-радъян бордын тырше «Калашников» концерн: талы уксё висъяське «Дышетон» нацпроект чотын. М. Калашников нимо технопаркмы Россиын гинэ ӧвӧл, быдэс Европаын тужгес туалаез, устоез луоз, мылкыдзэ вераз А. Бречалов.
Усто но визьмо пиналъёсын герӟаськем мукетыз кичӧлтон но пыӵалоз Оружейниклэсь нуналзэ пусъён улсын. Ялэмын луоз усто нылпиослы уксёен юрттонъя выль программа: со кылдытэмын ЕГЭ-осын 100 балл люкам, олимпиадаосын вормисе потылэм пиналъёслы юрттон вылысь. Визьмо егитъёсмы палэнэ медаз кошке, элькунамы мед кылёзы, соин ик соослы татын улыны-ужаны ӟечесь условиос кылдытоно.
Пыӵал тӥрлык поттӥсьлэсь нуналзэ пусъёнозь чеберскоз Ижкар но. Кылсярысь, сентябрь кутсконын усьтӥськоз Шор карлудлэн оглюкетэз — Правительстволэн юртэз вадьсысь инты. Ӵапак отын интыяськемын фонтан. Со дась ни, мыно эскерон ужъёс. Азьвылэныз ӵошатыса, таиз фонтан чылкак туала луоз: крезьгур чузъяськем улсын вуэз 80 интыетӥ пызъёз, тылъёсын югдытӥськоз но лазер голография амалэн чебертэмын луоз. Со сяна, выльдэмын луозы Ижысь 10-12 пала вужмем юртъёслэн фасадъёссы.

Елена Никитина

Ангелина Снигирева
By Ангелина Снигирева 24 июля, 2019 15:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<