Зор ву шуре кошке

Ангелина Снигирева
By Ангелина Снигирева Июль 18, 2019 15:38

Та арнялэн кутсконаз ортчем зоръёсын йырин Ижысь куд-ог интыосын кужмо тӧл писпуосты погыръяз, ву кошкон интыос ӵакмизы, урамъёсын, сюрес вылын зор ву пачыл-пачыл люкаськиз.

Ижын ву кошкон интыосты тупатъяло
Фото: Павел Петров

Иж город администрация ивортэмъя, город службаос, чик ӝегатскытэк, басьтӥськизы сильзорлэсь бервылъёссэ утялтон борды. Тупатъямын Пушкинской, Ленин, Киров урамъёсысь канализацилэн гумыосыз, юнматъямын тыл юбоос, светофоръёс.
Шуэръяськись куазьлэсь бервылзэ утялтэм сяна, Ижын резь-куаж мыно урамъёсты, сюресъёсты, азбаръёсты тупатъян ужъёс но. Сильзор лэсьтӥськисьёслэсь ужзэс кӧнялы ке уретӥз ке но, та вакытэ азьланьтӥське шоркарысь 16 объектэз тупатъян. Соос выльдӥсько «Кышкыт луисьтэм но ӟеч сюресъёс» нацпроект чотын. Та дырлы выль асфальт вӧлдэмын ни Потёмкин, Новоажимов, Ленин урамъёсын, озьы ик Прасовской пролкаын. Табере сюрес лэсьтӥсь техника выжтэмын Барышников ульчае, озьы ик Ленин ёросэ: отысь Мужвайской урамын выльдэмын луоз 1 но ӝыны иськем, Космодемьянскаялэн но Четырнадцатой ульчаосын — быдэн ӝыны иськемен. Сюресъёсты асфальтэн шобыртэм сяна, лэсьтэмын луозы пыдын ветлон сюресъёс, выльдэмын ву кошкон гумыос. Иж городлэн администрациез ивортэмъя, та нацпроект чотын асфальтэн шобыртэмын луозы 25 иськем пала сюресъёс.
Ижын азьланьтӥське калыклэн вазиськонъёсыз бордын ужан но. Тужгес но трос ӝожтӥськоъёс вуэмын вал Индустриальной ёросысь Восточной посёлокын улӥсьёслэсь. Отысь Совхозной урамысь Уральской пролка гурезь уллане интыяськемын: вань зор-кот коркаос пыр ортче, Совхозной ульчаысь асфальтэз гылтэ. Канаваос угось музъемен ӵошкамын, зор ву кошкон гумыос ӵакмемын. Лэсьтӥськисьёс та нуналъёсы канаваосты муромытӥзы, сюресъёс вамен музъем ултӥ гумыосты пуктылӥзы. Табере ву Карлутка шуре кошкоз.

Елена Тугашова

Ангелина Снигирева
By Ангелина Снигирева Июль 18, 2019 15:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<