Зоръёслэсь жадемын

Ангелина Снигирева
By Ангелина Снигирева Июль 10, 2019 15:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гужем гуртоослы ужаны ӧз сёты ни — пудо сиён дасяны ваньмыз сямен ёросъёс юн курадӟо. 10-тӥ июльлы йырлы быдэ 10,7 центнер сиён дасямын.

«Юлдошъёс» шундыё шуныт куазез чидатэк витё
Фото: М. Егоров

— Глазов, Яр, Кез, Балезино палъёс уен-нуналэн зоремлэсь жадизы ни — бусыосазы пыремзы ик уг луы, — вера Гурт удысъя но сиён-юонъя министерствоысь музъем кусыпъёсъя но будосъёсъя ёзэн кивалтӥсь Алевтина Бурдина. — Татын йырлы быдэ 6-7 центнер сяна пудо сиён дасямтэ на. Нош кулэ ичизэ 25 центнер. Со дыре ик Кизнер, Алнаш, Вавож но мукет ёросъёсын — лымшорын — гужем кутсконын кӧс куазь вал. Таин валче отын но турын уг буды. Клевер, люцерна, салкым возиськемен, воксё начар. Сарапул но Каракулино ёросъёслы гинэ туэ куазен удалтэ, соин ик таос тужгес трос пудо сиён дасяны пӧрмытӥзы — 19-21 центнер. Ваньзы оско нордос турнан вакытлы. Но зорыса улӥз ке, турынысь вань витаминъёсыз гылтӥськозы. Ӟечлыкез сотэк но туж ик ушъяськымон ӧвӧл.
Шаерамы ог 398 сюрс тонна силос гуосы тыремын ни. Чакламлэсь со 26 процент. Миым та вакытлы 446 сюрс тонна люкамын ни вал. Чырмыт ужало Камбарка но Кизнер ёросъёс — татын 70 процент силоссы дасямын. Сюмси, Каракулино, Кияса ёросъёс силос дасяны кутскемын ик ӧвӧл ай. Сенаж 790 сюрс тонна дасямын, чакламлэсь со 62 процент. Камбарка но Каракулино ёросъёс планзэс тырмытӥзы ни. Нош сюмсиос 46 процентлы уногес сенаж люказы. Со дыре ик Дэбес но Шаркан ёросъёс ог 20 процентлы гинэ ай ужъёссэс быдэстӥзы.
Инбам шоры учкылыса гинэ, ужало Пичи Пурга ёросысь «Юлдош» хозяйствоын но.

— Шундыё куазен но сокем чырмыт ужаны уг луы, — шуэ «Юлдошын» 40 арзэ ни валтӥсь агроном луыса ужась Татьяна Васильева. — Дыртыса утялтӥд ке, турын пурысьталоз, чырсалоз. Уката ик сенаж упаковкаен гинэ лэсьтыны тыршиськомы. Отчы ӧжыт котэз сюриз ке, кылёнкае бинялтэм вань сиён быроз. Нош сенажез гуосы тырем уг поты ни. Кылёнкаын угось ӟеч утиське. Гуын ӝыныез куштӥське: вылыз, урдэсъёсыз пудолы сюдыны уг ярало. Али котькуд скаллэсь уй-нунал куспын ог 19 литр йӧл кыскиськомы бере, талэсь улӥе медам усе ни шуыса сюлмаськиськомы. Ог 400 йыр скалъёсмы. Эшшо сомында ик мукет сюро таза пудомы. Сиён урод луиз ке, ужасьёслэн но, пудлэн но син шораз учкыны возьыт луоз.
Татьяна Васильевалэн сюлэмыз туж шуг турын понна. Туэ турын туж начар, шуэ. Азьвыл Улын Юри гуртысь калык туж уг турнаськы ни вал — колхоз рулонэн котькудӥзлы висъялляз. Туэ асьсэлы но мае люканы паймо. Соин ик улын юриос аръёсын турнамтэ возьёсы потало ни. Котькудӥзлэн азбараз угось ог 2-3 скал бӧксэ. Алама турынэз но кокчало. «Юлдош» хозяйствоын но 2 сюрс тонна сяна сенаж люканы ӧз пӧрмытэ на, нош лыдпусэз чакламын 5 сюрсозь вуттыны.
«Юлдошысь» калыклэн рос-прос ужамез потэ ни, зорлэсь жадемын, техника тӥяськылымтэ дыръя гижысь-пиньысь тыршоно ни вал, шуо.

Елена Сараматова

Ангелина Снигирева
By Ангелина Снигирева Июль 10, 2019 15:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<