Завод — пушласянь

Ангелина Снигирева
By Ангелина Снигирева Июль 18, 2019 15:33

Камбаркаысь химической ож тӥрлыкез быдтонъя заводлэн ужаменыз тодматскизы общественникъёс.

Камбаркаысь заводэн тодматскон
Фото: udmurt.ru

Та заводын 1-тӥ-2-тӥ классэ пырись кышкыт отходъёсты быдтыны чаклало, та уж радъяськыны кулэ 2023-тӥ арысен. Экологиен герӟаськем юанъёс туала вакытэ зол сюлмаськыто, соин калыкез Камбаркаысь заводлэн ужаменыз пуш ласянь тодматыны кенешемын вал. Удмуртиысь экспертъёс, экологъёс, журналистъёс, Общественной палаталэн ёзчиосыз, озьы ик Башкортостанысь, Татарстанысь, Пермь но Киров улосъёсысь адямиос арня вискын предприятиетӥ ортчизы. Соос тодматскизы инкуазез эскерись лабораториослэн ужаменызы, вуылӥзы завод бордын усьтэм медициная центре. Отын эскеро заводын ужасьёслэсь тазалыксэс. Заводын ужасьёс 2 полы ичигес висё, быдэс Удмуртиысь калыкен ӵошатоно ке.
Заводэтӥ экскурсия бырем бере ёрос администрациын брифинг ортчиз на. Журналистъёсын но общественникъёсын пумиськылӥзы но юанъёслы валэктӥзы «РосРАО» предприятилэн директорезлэн воштӥсез Максим Корольков, Башкортостанысь экологъёслэн огазеяськонэнызы кивалтӥсь Александр Веселов, Россиысь Промышленностья но вуз каронъя министерствоысь химической ож тӥрлыкез возёнъя но быдтонъя управлениен кивалтӥсьлэн воштӥсез Алексей Кармишин, «Зелёный крест» огазеяськонлэн директорез Владимир Леонов.
В. Леонов пусйиз:

— Кышкыт отходъёс трос люкаськемын, соос инкуазьлы изъян вайыны кутско ни, соосты быдтыны туннэ ӧм кутске ке, азьланяз югдур эшшо но уродгес луоз. Та одӥг улослэн гинэ сюлмаськонэз ӧвӧл — быдэс кунмылэн.

— Кышкыт отходъёсты быдтыны одно кулэ, кызьы со уж быдэсъяське, мед валалоз котькуд адями. Та вакытэ Россиын кышкыт отходъёслэн 1,5 процентэз гинэ быдтӥське. Нош кунгож сьӧрын та ужен кемалась выро ни, со зол азинскемын, — вера Экогогияя научно-исследовательской институтлэн директорез Ольга Плямина.
А. Кармишин шуиз: кышкытлыклэсь утиськон заводын валтӥсь интыын луоз, сюлмаськозы татын ужась адямиос но, котыр инкуазез утён сярысь но. Камбаркаысь завод пумысен калык кылзонъёс радъяськозы 2020-тӥ арын.

Сергей Захаров

Ангелина Снигирева
By Ангелина Снигирева Июль 18, 2019 15:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<