Дэри ке но, чылкыт

Ангелина Снигирева
By Ангелина Снигирева Июль 19, 2019 09:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиын улӥсьёсты этнофестивальёсын уд ни паймыты. Нош экофестивале та дырозь вуылэм ӧй на вал. Маин шумпоттӥз Шарканысь Тол бабайлэн усадьбаяз 12-тӥ-13-тӥ июле ортчем «Эктоника. Табань fest»?

Фестивальын жаг нуллон машинаез буязы
Фото: О. Курбатова

Туэ фестивалез радъяны юрттӥз Удмуртиысь жаг поттонъя улос оператор «Спецавтохозяйство». «Табань fest» #чистопоудмуртски но #чылкыт хэштегъёс улсын ортчиз.
Вуз карисьёсты пластиклэсь посудаез ваёнлэсь алӥзы. Со интые бумагалэсь но пулэсь лэсьтэмез кутӥськиз. «Спецавтохозяйство» операторлэн пресс-секретарез Ольга Чуракова пусъе: ужбергатӥсьёсты одӥг пол кутӥськись тусьты-пуньылэсь куштӥськытыны секыт вал.

Жагез нимаз бичаны дышетскизы

Предпринимательёс валало, пластик алама шуыса, но ваньмыз коньдонэн герӟаськемын, — вера О. Чуракова. — Бумагалэсь но пулэсь тусьты-пуньы трослы дуногес усе. Но фестиваль бере милемлы тау каризы, огез компания пластиклэсь воксё куштӥськыны ӧдъя. Озьыен, токма ум ужаське. Дыр кулэ выльзэ валаны но ужез мукет сямен радъяны.
Фестивальын жуг-жагез нимаз контейнеръёсы бичазы. Кагазэз, пластикез, пиялаез но кортэз нимаз бакъёсы тыризы — тае чаклазы волонтёръёс. 10 интыын быдэн 5 контейнеръёс сылӥзы. 2 нунал ӵоже 3 тонна жаг люкамын, 1 сюрс 400 килограммез со пӧлысь — пластик, пияла, бумага, корт. Люкам жуг-жагез Нылгаысь полигонысь сортировочной станцие нуизы. Сое выльысен уже кутозы, выль арбериос лэсьтозы.
«Спецавтохозяйстволэн» кивалтӥсез Иван Маринин верамъя, та лыдпусъёс шумпотто — бадӟым ужрадын жуг-жагез нимаз бичан нырысьсэ радъямын вал. Фестивале вуэмъёс пӧлысь куд-огез нырысьсэ кылӥз, отходэз нимаз люкано шуыса.

Мёбиуслэсь «куарзэ» пластик бутылкаосын лэсьтӥзы

Пластик бутылкаосты бичаса, переработкалэсь тодметсэ — Мёбиуслэсь «куарзэ» — лэсьтӥзы. Ӝуждалаез — 2 но ӝыны метр. Озьы ик жаг нуллӥсь машинаез буязы — вылаз чебер суред кылдӥз.
Фестиваль сокем ик чылкыт ӧз пӧрмы — куазь зоремен, калык дэриез месӥз. Со понна, мукет фестивальёсын ӵошатыса, пластик зэм но ӧжытгес вал — копак солэсь куштӥськыны ӧз ке но луы. Озьы ке но ужрадлэн малпанэз гинэ но умой ини. Шутэтскыса-шудыса дышетскыны капчигес — оло, инкуазез но, фестивальёсы ветлыса, утьыны дышетом.

Виктория Крамова

Ангелина Снигирева
By Ангелина Снигирева Июль 19, 2019 09:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<