«Динамо» стадион вордӥськем нуналзэ пусйиз выльдӥськем интыын

Ангелина Снигирева
By Ангелина Снигирева 1 июля, 2019 14:58

Тазалыклэн арезлы сӥзьыса, эшшо одӥг мугор кыдатон инты выльдэмын. Толон, 30-тӥ июне, Ижысь «Динамо» стадион вордскем нуналзэ пусйиз.

Та стадион 83 ар талэсь азьло пуктэмын вал, та дырозь отын тыро-пыдо лэсьтӥськон ужъёс ӧз ортчылэ. Берло 3 ар ӵоже отын лэсьтӥськон ужъёс мынӥзы. Со кӧняке люкетъёслэсь радъямын вал. Табере отын вылӥ куронъёслы тупась футбол бусы но пыдын бызьылон сюресъёс. Матысь дыре кылдыны кулэ волейболэн но баскетболэн шудон интыос, боксэн но восточной многоборьеен мугорзэс кыдатӥсьёс понна 2 спортзалъёс выльдэмын. Стадионын огдыре 2 сюрс 76 пукон интыез луоз. Учкисьёс понна бадӟым табло пуктэмын.
Стадионэз сӥё-дано усьтон 2 люкетлэсь вал. Спортэз гажасьёс понна 10 часысен пӧртэм ӵошатсконъёс, вожвылъяськонъёс луозы, люкаськемъёсын ӵош зарядка лэсьтозы спортысь кизилиос. Нош ужрадэз сӥё-дано усьтон вал ӝытазе. Отчы пыриськиз Удмуртилэн Тӧроез А. Бречалов но мукет кивалтӥсьёс. Бадӟым ужрад йылпумъяськоз 22 часын салютэн.

Пусйыны кулэ, М. Калашниковлэн вордскем дырысеныз 100 ар тырмонлы сӥзьыса, выльдэм стадионын сентябрь толэзе ик бадӟым ӵошатсконъёс ортчытыны чакламын. Кылсярысь, 7-тӥ сентябре луоз «Динамовская миля», 16-тӥ-21-тӥ сентябре — единоборствоя фестиваль. Россиысь 3 сюрслэсь трос калык пыриськыны медэ.

ВАЛЕНТИНА ЕМЕЛЬЯНОВА

Туспуктэмъёс басьтэмын udmurt.ru сайтысь

Ангелина Снигирева
By Ангелина Снигирева 1 июля, 2019 14:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<