Депутатъёс нацпроектъёслэн быдэсъяськемзэс эскеро

Ангелина Снигирева
By Ангелина Снигирева Июль 19, 2019 15:19
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Огъя Россия» партилэн Удмурт ёзысьтыз депутатъёс та арня вискын Яр, Сюмси ёросъёсын, Ижын нацпроектъёс улсын ӝутӥськись объектъёсты эскеризы.

Ижысь 56 номеро гимназиын

Та арня вискын Кун Кенешлэн Тӧроезлэн воштӥсез Владимир Невоструев но ялан ужась комиссиосысь депутатъёс Яр ёросын ужазы. Отын та вакытэ Вормон скверез выльдо. Ужъёс быдэсъясько «Формирование комфортной городской среды» федеральной но «Жилье и городская среда» национальной проектъёс улсын. Туннэ нуналлы отын 1 миллион но 170 сюрс манет тыр ужъёс быдэстэмын ни, оглом проектлы ог 4,7 миллион манет висъямын. Владимир Невоструев сквер котырын улӥсьёсын пумиськылӥз. Калык кивалтӥсьлы ву кошкон интыос лэсьтон пумысен вазиськиз. Озьы ик депутатъёс «Юбилейный» культурая юртэз эскеризы. Со выльдӥське «Культура малой родины» проект улсын: воштэмын ни липетэз, укноосыз. Тупатъяно на выжзэ, вӧлдэтсэ, гардеробзэ, басьтыны чакламын крезьгур куараез кужмоятӥсь аппаратура но. Шоркарысь куноос вуылӥзы Ватка шурлэн кутсконаз. Татчы яратыса вуыло туристъёс. Ёросысь кивалтӥсьёсын валче депутатъёс татын субботник ортчытӥзы, шур котырысь жагез утялтӥзы. Бӧрысь вераськизы, кызьы та интыосты тодмогес карыны, тросгес туристъёсты кыскыны.

Ватка шур котырын утялскизы

Депутатъёс вуылӥзы Ижысь 56 номеро гимназие но. Татын «Развитие физической культуры и спорта в Российской Федерации на 2016-2020 годы» федеральной но «Демография» национальной проектъёс улсын спортивной стадион лэсьтӥське, талы 20,8 миллион манет висъямын. Ужъёсты йылпумъяны кулэ ни туэ, стадиос 1-тӥ сентябрьлы нылпиос но анай-атайёс бадӟым кузьым луоз. Депутатъёс саклык висъяны куризы стадион котырез ӟечомытонлы. Анай-атайёсын кусып возёно шуизы, соос мед тодозы, пе, ку ужъёс йылпумъяськозы.

Сюмсиысь объектэз эскерон

Озьы ик эскерон ужъёс ортчизы Сюмси ёросын но. Владимир Невоструев но Ижысь гурт удысъя академилэн ректорез Александр Любимов ёрослэн йырыныз Владимир Семёновен валче ужазы ёрос культурая юртын, искусствоосъя нылпи школаын, нылпи библиотекаын. Учкизы Строитель урамез но Центральной стадионэз, отын тупатъян ужъёс мыно «Формирование комфортной городской среды» проект улсын.
Таӵе эскеронъёсын депутатъёс котькуд ёросэ потаны ӧдъяло.

Ангелина Снигирёва

Фото: басьтэмын udmurt.er.ru

Ангелина Снигирева
By Ангелина Снигирева Июль 19, 2019 15:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<