Ву, сюрес, улон инты

Ангелина Снигирева
By Ангелина Снигирева Июль 10, 2019 11:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроез Александр Бречалов калыклэн юанъёсызлы валэктон сётӥз Россиысь Президентлэн приёмнояз.

А. Бречалов калыкен пумиськылӥз
Фото: udmurt.ru

Республикалэн кивалтӥсез доры вазиськизы Удмуртиысь Пукыӵен ыбылӥськонъя федерациысь спортсменъёс. Соос веразы, кызьы азинске спортысь та амал асьме шаерамы, кыӵе вормонъёс басьтэмын. Та вакытэ пукыӵен ыбылӥськисьёс 120 мурт, пӧлысьтызы 70-эз — нылпиос. Ижын сяна, та амал азинске Воткаын, Можгаын, Глазовын.
Александр Бречаловен пумиськон дыръя спортсменъёс куризы юрттэт сётыны ӵошатсконъёс радъяны. Уго толэзь ортчыса, Удмуртиын ортчоз пукыӵен ыбылӥськонъя чемпионат но Ижевсклэн первенствоез. Та ӵошатсконъёсы витё Удмуртиысь, Татарстанысь но Марий Элысь 60-лэсь трос спортсменъёсты. Но федерациысь ужасьёс верамъя, вуоно вожвылъяськонъёсты радъян понна коньдон уг тырмы — «Зенит» комплексэз арендае басьтон ик туж дуно усе. Удмуртилэн Тӧроез юрттоз шуыса оскытӥз, озьы ик дэмлаз федерацие пырисьёслы асьсэ сярысь иворъёс шаплыгес сётъяны.
«ВКонтакте» соцсеть пыр Тӧролы вазиськизы Ижысь трос нылпиё атайёс Антон Годяев но Дмитрий Павлов. Соос куро Шаберды трактысь пешеходной переход азе «кыллись полицейской» пуктыны. Татын интыяськемын 8 номеро автобуслэн берпуметӥ дугдон интыез. Вылаз ик, Шаберды сюрес пыре али тупатъяно 20 объектъёс пӧлы, татын ӵемысь машина шуккиськон учыръёс луыло. Александр Бречалов куриз транспортъя но сюрес хозяйствоя министрез та югдурез тупатыны.
Владимир Морозов лыктэм тодыны, ку Ижысь Чапаев пролкаысь 27 номеро куашкан калэ вуэм коркан улӥсьёс выляз выжозы. Та юрт 2012-тӥ арын аварийной лыдъямын ни. Вӧзазы сылӥсь таӵе баракын улӥсьёслы 2 ар талэсь азьло выль патер сётъязы — та югдурез соку Россилэн Президентэз но тодӥз. Нош 27-тӥ барак али но сылэ. Тӧро Александр Бречалов та юанэз тыро-пыдо эскериз но ивортӥз, куашкан калэ вуэм юртын улӥсьёслы выль патер сётъялозы 2019-тӥ-2025-тӥ аръёслы чаклам программая. Озьы 27-тӥ баракысь адямиослы вуоно арлэн пумозяз чидано на — соку выль патер сётъялозы. Оглом та баракысь 36 муртлэн улон сэрегез выльдӥськоз (2019-тӥ-2020-тӥ аръёсы 600 адями выль патере выжоз). Улон инты сётозы собыдӟа ик, кӧня со вал адямилэн вуж квартираяз. Та дырлы мынэ документъёсты конкурсэ дасян — со сярысь ивор сётозы туэ сентябре. Конкурс ортчем бере тодмо луоз, кыӵе юртын выль патеръёс висъяськозы. Котькуд адямилы ивор одно ик вуттозы, пусйиз Тӧро.
Александр Бречаловен озьы ик пумиськиз Якшур-Бӧдья ёросысь Чур черкогуртысь Михаил Медведев. Алигес Россиысь Президентлы воргорон ӝожтӥськиз, гуртын гужем вулы ёрмо шуыса. «Алигес арня ӵоже вутэк улӥмы. Тупатъямзы бере ваньмыз ӟеч вал, огъя системаын давлениез но умойскиз. Нош пӧсь кариськиз но, югдур уродмиз, табере вумы ӵукна но ӝыт гинэ луылэ. Ву понна кыл кутӥсьёслэн телефон пыр вераськемзы ик уг поты, ӝожтӥськонъёсмес санэ уг басьто. Вулы ёрмонмы ноку уг бырылы», — гожтэм Михаил Медведев Президентлы.
Туэ 29-тӥ мае Якшур-Бӧдья ёрослэн администрациез Чурысь ву гумыосты тупатъян пумысен огкыл юнматӥз «ПМК-8» огазеяськонэн. Та контракт чотын ву гумыосты вошъялозы но коркаосты выль сетьёсын герӟалозы. Подрядчик объектэз вуттыны оскытӥз июльлэн шораз. Удмуртилэн Тӧроез куриз Якшур-Бӧдья ёрослэсь йырзэ Андрей Леконцевез та югдурез нимысьтыз чакласа возьыны.

Сергей Захаров

Ангелина Снигирева
By Ангелина Снигирева Июль 10, 2019 11:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<