Бадӟыманы — пичиятэм кредит

Ангелина Снигирева
By Ангелина Снигирева 31 июля, 2019 13:58

2019-тӥ арысен пичи но шоро-куспо ужбергатӥсьёс 8,5 процентъем льготной кредит басьтыны быгато. Озьы кунамы «Программа 1764» нимаськись программа быдэсъяське.

Гурт удысэн вырись ужбергатӥсьёслы пичиятэм кредит басьтыны луонлык вань
Фото: А. Снигирёва

Соя пичи но шоро-куспо ужбергатӥсьёслы инвестиционной проектъёссэс улонэ пыӵатон понна 500 сюрс манетысен 1 миллиард манетозь кредит висъяське. Со 10 арлы сётӥське. Озьы ик ужбергатӥсьёс быгато басьтыны мытэм ужзэс радъяны ватсаса кредит (оборотные средства), талы сётӥське, 500 сюрс манетысен кутскыса, 500 миллион манетозь. Кредитэз 3 арскын пытсано.
Таӵе льготной программа чакламын гурт удыс, лэсьтӥськон, туризм, дышетон, тазалыкез утён, культура, спорт но мукет удысъёсъя ужась ужбергатӥсьёс понна. Льготной кредит басьтон вылысь вазиськоно банке. Та программаен ужало Сбербанк, Промсвязьбанк, МСП Банк, Россельхозбанк, Банк ВТБ, Альфа-банк, Ак Барс Банк, Газпромбанк, Совкомбанк.
Та сяна, «Федеральная корпорация МСП» огазеяськон 2015-тӥ арысен пичи но шоро-куспо ужбергатӥсьёслы пичиятэм процентэн кредитъёс басьтыны юрттэ. Висъяське, 3 миллион манетысен кутскыса, 1 миллиард манетозь кредит. Пунэмам уксёез 3 ар ӵоже банклы берыктоно. Таӵе луонлыкез кутыны быгато сыӵе ужбергатӥсьёс, кин инвестиционной проектсэ быдэстон понна коньдонлэсь 20 процентсэ ачиз висъяны дась.
2016-тӥ арысен льготной кредит басьтонъя программаослы луыса Удмуртиысь ужбергатӥсьёс 2 миллиард манет басьтыны быгатӥзы. Арлы быдэ кредит кутӥсьёс йыло. Кылсярысь, 2018-тӥ арын 7,5 поллы уногес кредит басьтэмын вал, 2016-тӥ арен ӵошатоно ке. Туэ ужбергатӥсьёс банкъёслэсь 65 процентлы уногес пунэмаськизы ни, кылем арын сярысь.

Сергей Захаров

Ангелина Снигирева
By Ангелина Снигирева 31 июля, 2019 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<