Атомной реакторез сӥято Удмуртиысь «ӵоктэтъёс»

Ангелина Снигирева
By Ангелина Снигирева 31 июля, 2019 16:05

Ижысь «Купол» заводын бадӟым контрактэз быдэстон бордын тыршо. Кылем арня пумын ИЭМЗ-ын поттэм вентиляцияя тӥрлыкез келязы Ленинградской атомной станцие.

«Куполын» поттэм тӥрлыкез Ленинград улосысь атомной станцие вутто
Фото: udmurt.ru

«Купол» пыре Россиысь обороная валтӥсь предприятиос пӧлы. Озьы ке но военной удыслы чаклам продукция сяна, ИЭМЗ-ын огъя улонын кулэ луись тӥрлык но поттыны быгато. Кылсярысь, атомной станциослы чаклам вентиляционной установкаослы ӵоктэтъёс — УПВК — лэсьто ни 2005-тӥ арысен.

— 10 ар ӵоже та удысын азинлыко ужаськом. Соин шуг шедьтыны Россиысь атомной станциез, кытын ӧвӧл «Куполын» поттэм тӥрлык. Та аръёс ӵоже милемыз огпол но ӧз пыкылэ поттэм вузмылэн ӟечлыкез пумысен, озьы ик ноку но контрактъёсты ӝегатэммы ӧвӧл, — шуэ ИЭМЗ-ысь гражданской продукциез азинтонъя управленилэн кивалтӥсез Михаил Камашев.
Кылсярысь, туэ июньысен сентябрёзь вентиляционной установкаослы 270 ӵоктэтъёс кошко Ленинградской АЭС-э. ИЭМЗ-ысь специалистъёс пусъё: котькуд АЭС-лэн 40 процент люкетэз — со атомной реактор, нош 60-процентэз — та реакторез сӥятыны чаклам система но вентиляция. «Куполын» поттэм УПВК ӵоктэтъёс туж огшорыесь адско, но соос ужаны быгато музъем зуркан дыръя но. Завод таӵе тӥрлыкезлы 40 аръем гарантия сёто — со понна установкаосты котькуд 8 арлы быдэ эскерыны гинэ кулэ.
Предприятие утча граждан тӥрлык поттонъя выль контрактъёс. Арлы быдэ та ужзэс 30 процентлы йылэтыны тыршо. Соин туэ ар пумын но вуоно 2020-тӥ арын АЭС-ёслы выль сӥятӥсь система но вентиляция поттыны кутскозы, шуэ «Куполысь» граждан продукцияя директор Алексей Злобин.
Нялтас вераса, кылем арын предприятие огшоры улонлы чаклам вузъёсты 1,5 миллиард манет тыр поттӥз. Азьло аръёсын ӵошатыса, со 25 процентлы тросгес луэ.

— «Купол» — огез устоез предприятие, военно-промышленной комплексын сяна, со граждан продукция поттӥсьёс пӧлын но огез азинлыкоез луэ. Ми дасесь юрттӥськыны заводлы, «Росатомен» но мукет заказчикъёсын валче ужанъя контрактъёс утчакуз, — пусйиз Правительстволэн Тӧроезлэн нырысетӥ воштӥсез Александр Свинин.
Вице-премьер верамъя, туэ ӝыны ар ӵоже Удмуртиысь обороная предприятиос 46 миллиард манет тыр продукция поттӥзы ни. Кылем арысь та вакытэн ик ӵошатоно ке, вуз поттон 7 процентлы йылэмын. Со сяна, предприятиос граждан удыслы кулэ луись тӥрлык лэсьто. Огъя производствоез басьтоно ке, со 18, 4 процент луэ. Россиысь Президентлэн пуктэм «тубатэзлэсь» вылӥегес ӝутским ни. Нош туэ ОПК удысысь предприятиослэн граждан продукцизы огъя объёмлэсь 20 процентсэ басьтоз ни.
Оглом вераса, туэ Удмуртиысь оборона удысын ужась заводъёс 5,5 миллиард манет тыр граждан тӥрлык поттӥзы ни. 2025-тӥ арозь таӵе продукцилэн лыдыз ялан йылоз.

Елена Скворцова

Ангелина Снигирева
By Ангелина Снигирева 31 июля, 2019 16:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<