«Аныкай» дышетоз

Ангелина Снигирева
By Ангелина Снигирева 31 июля, 2019 17:34

Удмурт кылэз тодӥсь анай-атайёслы «Аныкай» медиашкола ужаны кутскоз. Та проектэз малпаз егитъёслэн «Куара» огазеяськонзы.

«Аныкай» медиашколаын мумы-бубыосты дышетозы, кызьы фото пуктоно, видеокамераен ужано, видеомонтаж лэсьтоно но SММ амалэз уже кутоно.
Проект огазеялоз удмурт кылэз тодӥсь, азинскыны тыршись анай-атайёсты. Соос таӵе ужъёсынызы возьматыны быгатозы: туала амалъёс юртто пиналэз кык кылын вераськыса будэтыны, — пусйиз проектлэн авторез Ольга Степанова.
Та проектэ пыриськыны быгатозы вань мылкыд карисьёс — уго лекциос онлайн-режимын мынозы. Кин ӧз вутты учкыны — соос но заочно амалэн дышетскыны быгатозы. Курсъёсы пыриськон понна 20-тӥ августозь гожтӥськоно «ВКонтакте» соцвотэсын https://vk.com/anykai_media группаын.

УД

Ангелина Снигирева
By Ангелина Снигирева 31 июля, 2019 17:34