Экономика ӝутскоз, инвестициос вуозы

Ангелина Снигирева
By Ангелина Снигирева Июнь 5, 2019 16:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Санкт-Петербургын «Экспофорум» центрын 6-тӥ июне усьтӥськиз калыккуспо экономической форум, со 8-тӥ июнёзь кыстӥськоз. Солэн ужаз пыриське Удмуртиысь 11 предприятие.

Фото: udmurt.ru

Туэ отчы вуизы Китайысь, Америкаысь, Франциысь, Германиысь, Великобританиысь, Япониысь предприятиос. Форумын 4 секциос ужало, отын дуннеысь но Россиысь экономика, вуонозэ матэктӥсь технологиос, адямилэн экономикаез азинтонын интыез сярысь вераськизы.
Удмуртиысь кивалтӥсьёс Санкт-Петербургын веразы, кызьы элькунамы инвестициосъя аудитлэн нырысетӥ этапез ортчиз. Сое быдэстыны луиз PricewaterhouseCoopers (PwC) компаниен валче ВЭБ.РФ институтлэн юрттэмезъя.
Озьы ик форум дыръя вузъёссэс но разработкаоссэс возьматӥзы «Купол», «Аксион» заводъёс, «Уральская медицинская компания», Боксгласс, Центр Высоких Технологий предприятиос. Соос веразы «Регионы экспорта» проектъя ужамзы сярысь, сое Ebay компаниен валче улонэ пыӵатӥзы.
Удмуртия ужрадэ лыктэм компаниосын 11 огкыл гожтыны дасяське, соос юрттозы вуз каронэз но экономикаез азинтыны, элькунэ тросгес инвестициос кыскыны.
7-тӥ июне Губернаторъёслэн гостиноязы элькунмы понна бадӟым ужрад ортчоз. Удмуртиысь делегатъёс ужбергатӥсьёсын, кун кивалтӥсьёсын но бизнесэз азинтонъя институтъёсысь адямиосын ӵош котырес ӝок сьӧры пуксёзы, инвестициос но налогъёс сярысь вераськозы.
Кылем арын форуме 143 кунъёсысь 17 сюрс адями пыриськиз. Соку 593 огкыл гожтэмын вал, 11-эз — Удмуртиысь предприятиосын.

Сергей Захаров

Ангелина Снигирева
By Ангелина Снигирева Июнь 5, 2019 16:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<