УФСИН-ын ужась Д. Холмогоров вылэ уголовной уж ӝутэмын

Ангелина Снигирева
By Ангелина Снигирева Июнь 3, 2019 12:17

Россиысь УФСИН-лэн Удмуртияя ёзысьтыз азьвыл комендант, майор Даниил Холмогоров кыл кутон улэ кыскемын Уголовной кодексысь 222-тӥ, 222.1-тӥ но 223.1-тӥ статьяослэн 1-тӥ люкетъёссыя.

Д. Холмогоровлэн трос пумо пыӵалъёсыз вылиллям

ФСБ-ын ужасьёс, эскеронъёс ортчытыса, шараязы: УФСИН-ын ужакуз, Д. Холмогоров, законэз тӥяса, басьтылэм, возем, вузам пыӵал тӥрлык, пуштытӥсь суретъёс, арбериос. Улон интыысьтыз, ужысьтыз шедьтэмын но таламын: пӧртэм пумо 15 пыӵал тӥрлык, пыӵал тӥрлыклэн 27 люкетэз, ас киын бичам пуштытӥсь арбери, 7 килограмм пала пуштытӥсь сурет — дары (порох), 4 сюрс 113 патрон.
Тодмо луиз: Д. Холмогоров вань та арбериосты басьтылӥз, возиз, но кин ке вылэ урдскылон, терракт лэсьтон мылкыдъёсыз ӧй вал. Со ужысьтыз мӧзмытэмын, уголовной уж ӝутэмын вал.
Та нуналъёсы Ижысь Октябрь ёрос судын Д. Холмогоровен герӟаськем ужез эскеризы. Законэз тӥясь янгышсэ валаз. Тае лыдэ басьтыса, суд солэсь 3 ар но 6 толэзьлы эриксэ условно амалэн талаз но 105 сюрс манет тыриськон тупатӥз.

Элина Васильева

Ангелина Снигирева
By Ангелина Снигирева Июнь 3, 2019 12:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<