Нылпиосты утён нуналэ пиналъёс суредазы, эктӥзы, бызьылӥзы

Ангелина Снигирева
By Ангелина Снигирева 3 июня, 2019 10:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн шоркараз, Нылпиосты утён нуналлы сӥзьыса, бадӟым праздник ортчиз.

1-тӥ июне ужрадъёс мынӥзы кӧня ке интыосын. Калык люкаськиз Космонавтъёслэн парказы, Горький нимо садэ, Киров нимо парке, зоопарке. Туэ ужазы выль площадкаос но: Металлургъёслэн скверазы, Сети-паркын, «Спартак» но «Восточный» культурая юртъёсын.
Тазалыклэн арезлы сӥзьыса, праздникез ортчытӥсьёс радъязы таза улонлы сӥзем программа. Кылсярысь, Киров нимо паркын пыдын бызьылонъя марафон ортчиз. Отчы пыриськыны быгатӥзы котькыӵе арлыдъем адямиос. Со сяна, ваньмыз понна ортчиз фитнес-разминка, шулдыртӥзы эктонъя коллективъёс, туспуктылыны яратӥсьёс понна нимысьтыз фотозонаос ужазы.
Та паркын ик «Профессиосын город» проект усьтӥськиз. Сое радъязы Ижысь пӧртэм компаниос но предприятиос. Нылпиос та площадкаын полицейской яке пожарной, врач яке парикмахер луыны быгатӥзы.
12 часын пиналъёс понна концерт возьматӥзы. Сцена вылын «Мынам Удмуртие» телеканаллэн «Пичи шоу — бадӟым кизили» проектэзлэн финалэз ортчиз. Отчы пыриськизы Удмуртиысь 13 районысь 26 коллективъёс но солистъёс.
Сети-паркын (интыяськемын УдГУ-лэн 1-тӥ корпусэз вӧзын) 12 часысен учкыны луиз пӧртэм спорт амалъёсъя вожвылъяськонъёсты. Ушу, кикбоксинг, трикинг, паркур амалъёсын вырись пиналъёс ӵошатскизы, дуннеысь чемпионъёс асьсэлэсь быгатонлыкъёссэс возьматӥзы, эктонъя коллективъёс шулдыртӥзы.


Праздниклэсь палэнэ кельтэмын ӧвӧл ляб тазалыко пиналъёс но. Ижысь 3 площадкаын сӧсыр нылпиос таза эшъёсынызы, студентъёсын но шаерысьтымы тодмо суредасьёсын ӵош «Суреда слонэз!» флешмобе пыриськизы. Таӵе суредаськон ортчиз «Ассоль» центрын но, зоопаркын но реабилитацияя «Адели» центрын.
Горький нимо паркын йылпумъянъёс лэсьтӥзы «Театр но нылпиос» фестиваль-конкурслы. Та ужрадэ быдэс Россиысь нылпиослэн но егитъёслэн театральной коллективъёссы лыктэмын.

УД

Туспуктэмъёс басьтэмын udmurt.ru cайтысь

Ангелина Снигирева
By Ангелина Снигирева 3 июня, 2019 10:54