Кытын пыласькыны яра?

Ангелина Снигирева
By Ангелина Снигирева Июнь 21, 2019 10:24

Пӧсь гужем нуналъёс трос ӧй вал на, нош выйисьёс вань ни. Кез ёросысь но Ижысь пиналъёс шуре выйизы. Шуръёсын пыласькон интыос усьтон сярысь вераз Республикая МЧС-ысь пичи судноосъя инспекциын ужась Роман Щетников.

Ӵыпетъёсты эскерон
Фото 18.mchs.gov.ru

Туэ гужем 39 интыын пыласькыны лэзёзы, со пӧлысь 4-яз туннэ ик пыласькыны яра ни: Ижевскысь пляжын, «Чекерил» спортъя комплексын, «Берёзка» нылпи лагерьын, Дэри черкогуртысь Молдаван ӵыпетын. Сое кылем арня пумын эскеризы МЧС-ын ужасьёс.

— Пыласькон интыос усьтэмлэсь азьло ваньзэ рос-прос эскероно. Санитарно-эпидемиологической надзорын ужасьёс чаклало вулэсь но ӵыпет котырысь луолэсь ӟечлыксэ, водолазъёс — ӵыпет пыдэсъёсты, — шуэ Роман Щетников. — Со сяна, ӵыпет дурын нимысьтыз лэсьтэм стендъёс луыны кулэ. Отын валэктоно калыклы нырысетӥ юрттэт сётон амалъёсты. Пыласькыны лэзем инты буйёсын котыртэмын луыны кулэ.

Дэриысь ӵыпетын пыласькыны ярато ёросын но Ижевскын улӥсьёс. Нуналаз 500 но солэсь трос адями, пе, люкаськылэ. Пляжлэн кузёез Армен Клоян вазь тулыс ик гужемлы дасяськонзэ мытэ. Документъёс лэсьтэ, спасательёсты дышетскыны ысъя, чебер луо вае, водолазъёсты шурлэсь пыдэссэ эскерытэ, спасательёслэсь ужан тӥрлыксэс выльдыны тырше.

Тыметъёс дорын ивортон стендъёс луыны кулэ

— 2-тӥ арзэ гинэ ай пыласькыны лэзись нимысьтыз документъёсмы вань. Пляжмы 10 часысен 18 часозь гинэ ужа ке но, спасательёсмы быдэс уй-нуналзэ сак чакласько, — шуэ ӵыпетлэн кузёез.

Пӧсь нуналъёс вуизы ке, адямиос, номыр шоры учкытэк, нош ик шуръёсы зымылыны кутскозы. Россиысь МЧС-лэн Удмурт Республикая Валтӥсь управлениеныз кивалтӥсь Пётр Фомин верамъя, вань муниципал кылдытэтъёслы ӝегатскытэк дежурствоос радъяно. Куд-ог кивалтӥсьёс пул вылэ «Пыласькыны лэземын ӧвӧл» гожто но сюлмаськонзы быриз кожало. Сыӵе гожтэм пиналъёсты эшшо но бордаз ӧте. Гужем вакыт гуртъёсын нылпиослэн лыдзы будэ, городын улӥсьёсыз но кунояны берто. Шур дурын пиналъёслэсь огназы пыласькемзэс синйылтӥды ке, ӵыжы-выжыоссылы ивортэ, дэмен кариськыса гинэ, улонзэс утьыны луоно, калыклы вазиське П. Фомин.

— Спасательёс та вакытэ нылпи лагерьёсы потало, калык пӧлын валэктон уж нуо, — шуэ Пётр Фомин. — Кам шурын спасательёслэн «Освод» постсы ужа, туэ соос 3 муртэ утизы ни. Иж ӵыпет вылын но нуналлы быдэ спасательёс рейд ортчытъяло, кемалась ик ӧвӧл выйись муртэ поттӥзы. Тодады возе: ваньзэ спасательёс эскерыны уз вуэ, соин ик адямиослы асьсэлы но сакгес кариськоно.

Валентина Емельянова

Ангелина Снигирева
By Ангелина Снигирева Июнь 21, 2019 10:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<