Кун Кенешын пусйизы 36 устооссэ пиналъёсты

Ангелина Снигирева
By Ангелина Снигирева 19 июня, 2019 13:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Кенешын та нуналъёсы таукаронъёсын пусйизы шаерысьтымы школаез йылпумъям устооссэ 36 нылпиосты, 6 дышетӥсьёсты но 6 анай-атайёсты.

Кун Кенешын школаез йылпумъям пиналъёсты, соослэсь дышетӥсьёссэс, анай-атайёссэс данъязы
Фото: О. Ларин

Парламентэ люкаськизы 6 школаосысь — Ижысь К. Герд нимо гимназиысь, Искусствоосъя элькун нылпи школаысь, Олимпиецъёсты дасянъя биатлонъя школаысь, Г. Тукай нимо 6 номеро гимназиысь, Дэри ёросысь Италмасысь элькун лицей-интернатысь, Воткинскысь Совето Союзысь геройлэсь В. Стариковлэсь нимзэ нуллӥсь кадет корпусысь пиналъёс.

— Милям туж потэ, асьме егитъёс, соос палэнын дышетскизы ке но, элькунамы мед берытскозы, быгатонлыкъёсынызы асьме калыкмес шумпоттозы. Соослэсь мед пӧрмозы усто композиторъёс, суредасьёс, спортсменъёс, тодосчиос, — вераз ялан ужан комиссилэн кивалтӥсез Татьяна Ишматова.
Пиналъёсты ӟечкылазы но бадӟым улонэ сюрес валаса бырйыны сӥзизы депутатъёс, дышетонъя но наукая министр Светлана Болотникова, культурая министр Владимир Соловьёв. Трос тау карон кылъёс чузъяськизы дышетӥсьёслы, анай-атайёслы. Соослэн мылкыдзы, визьнодамзы бордысь пиналъёслэн вормонъёссы, быгатонлыксы пото.
Сӥё-дано пумиськонэ лыктэм пиналъёслэн уно вормонъёссы ини. Кин ке спортэн выре, кин ке искусство удысын адӟем карымон луэмзэ возьматэ, шаерамы но Россиын ортчылэм вожвылъяськонъёсы пыриськылыса. Пусъем муртъёс пӧлын вал Эгра ёросысь Каргурезь гуртысь Кирилл Стрелков но солэн анаез Людмила Стрелкова.
Пияш 4-тӥ классысен куасэн бызьылэ, спортэз гажан мылкыд солы школаысь тренерез Вениамин Ефремов пыӵатӥз. Со ик индылэмъя Кирилл 3 ар талэсь азьло элькунысь биатлонъя школае лыктӥз. Та дыр куспын шаерысьтымы но Россиысь ӵошатсконъёсы пыриськылӥз, трос пол вормылӥз. Кирилл биатлонъя мастере кандидат, со Удмуртилэн сборнояз басьтэмын ни. Та вормонъёс азьланезлы эшшо но кужмогес луыны муг, шуэ егит мурт. Кирилл Чайковский городысь мугорез кыдатон культурая институтэ пырыны ӧдъя.

Кирилл Стрелков но солэн анаез Людмила Стрелкова
Фото: А. Снигирева

— Дышетсконме быдтӥ ке, Удмуртие берытско, шаермылэсь данзэ, пӧртэм вожвылъяськонъёсы пыриськыса, утеме потэ, — вераз со.
Азьланяз шаермы эшшо но тросгес адӟем карымон егитъёсты будэтоз. Вуоно арын Ижысь 14-тӥ, 41-тӥ но 29-тӥ лицейёс Россиысь Наукаосъя академилэн опорной школаосыз луозы. Со луонлык сётоз асьме дорын наукаез азинтыны юрттӥсь лабораториос усьтыны, дышетӥсьёсмылэсь пӧртэм удысъя тодон-валанзэс будэтыны, Россиысь валтӥсь тодосчиосын валче ужаны, шуиз министр Светлана Болотникова.

Ангелина Снигирёва

Ангелина Снигирева
By Ангелина Снигирева 19 июня, 2019 13:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<