Кун Кенешын буре ваён урок ортчиз

Ангелина Снигирева
By Ангелина Снигирева Июнь 21, 2019 16:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Кенешын, кайгырон но буре ваён нуналы сӥзьыса, урок ортчиз. Быдӟым тылож сярысь шаерысьтымы школаосысь но колледжъёсысь пиналъёслы веразы депутатъёс.

Перевознойысь Д. Кондратьева «Волонтёры Победы» огазеяськонлэн ужаз пыриське

22-тӥ июнь кайгырон но буре ваён нунал шуыса лыдъяське: 78 ар талэсь азьло асьме кунгожъёсмы вылэ омырскиз тушмон, 4 ар кыстӥськиз вир кисьтон.

Кун Кенеш бадӟым саклык висъя пиналъёсты шаерзэс, музъемзэс яратон мылкыд пыӵатонлы, — вераз ялан ужась комиссилэн кивалтӥсез Елена Дербилова. — Кылсярысь, туэ патриотической воспитание сярысь закон кутӥмы. Туэысен Следственной комитетлэн Удмуртиысь ёзэныз ӵош «Дорога памяти» проект мытӥмы, со улсын ар куспын пӧртэм ужрадъёс быдэсъясько.
Быдӟым тыложе шаерысьтымы ог 400 сюрс мурт кошкиз, 98-эз кышкасьтэм луэмзы понна Совето Союзлэн Геройёсыз бадӟым данъетъёсын пусъемын. Но туннэ урокын нимысьтыз саклык висъяськиз тылож вакытъёсы шаерамы выжтэм госпитальёслэн, отысь эмчиослэн сӧсырмем солдатъёсты утемзылы. Соин нимысьтыз ӧтем куноос вал Ижысь Ф. Пушина нимо но Сарапулысь медициная колледжъёсысь нылпиос, со сяна, лыктӥзы Кун но муниципал службая колледжысь студентъёс, Вотка ёросысь Перевозной школаысь пиналъёс.
Люкаськемъёс понна буре ваён урок лыдӟиз Кун Кенешлэн Тӧроез Алексей Прасолов, Дышетонъя но наукая министр Светлана Болотникова. Министр тодаз ваиз вордӥськем Сарапул городзэ.

— Сарапулын война вакытъёсы 15 номеро школаын но Дышетӥсьёсты дасянъя колледжын госпитальёс усьтылэмын вал. Сомында аръёс ортчыса но, колледжысь одӥгаз кабинетын, кытын азьвыл операционной вал, эмъюмъёслэн зынзы возиське. Кабинет тодаз возе кадь со кышкыт вакытэз, — шуиз Светлана Михайловна.
Ф. Пушина нимо медицинской колледжлэн кивалтӥсез Наталья Якимова госпитальёслэн ужамзы сярысь вераз. Озьы асьме шаерамы война вакытъёсы ог 60 пала сыӵе юртъёс усьтэмын вал. Нуналлы быдэ шаерамы зол вӧсь луэм 400 пала ожгарчиосты вуттылӥзы. Эмчиосмылы луыса госпитальёсы сюремъёс пӧлысь ог 60 процентэз солдатъёс берен ож бусые берытскылӥзы. Шаерысьтымы трос эмчиос ож бусые ожмаськыны кошкизы. Тужгес тодмоосыз пӧлын удмурт кылбурчи Ашальчи Оки, со военной хирург луыса тыршиз. Кӧня солдатъёсты быронлэсь утиз Ижысь фельдшерско-акушерской школаез йылпумъям Феодора Пушина. Одӥг пол Киев город вӧзысь Святошино посёлокын интыяськем эмъян частьсэс тушмон ыбылӥз. Нылаш ас вылаз 30 солдатэз поттӥз, но ассэ утьыны ӧз быгаты, быриз.

Ужрад дыръя чузъяськизы шаер сярысь кырӟанъёс

Туннэ буре ваён урокез кылзӥз Перовознойысь 10-тӥ классэз йылпумъям нылаш Дарья Кондратьева. Со мыло-кыдо пыриське «Волонтёры Победы» огазеяськонлэн ужаз, эшъёсыныз ӵош доразы Быдӟым ожлы сӥзьыса, «Свеча памяти», «Синий платочек», «Капелька крови» но мукет акциос радъяло.
Дарья эскерон ужъёсын выре. Кылсярысь, туэ аспал адямизы, гожъяськись, Быдӟым ожысь ветеран Фёдор Тукмачев сярысь исследовательской уж гожъяз. Арлы быдэ пыриськылэ но радъяны юрттэ гуртазы ортчылӥсь «Вунонтэм полке» акциез. Отчы Волков Демьян Тимофеевич песятаезлэн туспуктэмзэ нуэ. Песятаез быдэс 1943-тӥ арысен ожмаськиз, дораз 1946-тӥ арын гинэ бертӥз.

Ангелина Снигирёва

Туспуктэмъёс авторлэн

Ангелина Снигирева
By Ангелина Снигирева Июнь 21, 2019 16:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<