Кузяен валче бызьылӥз 1000 адями

Ангелина Снигирева
By Ангелина Снигирева Июнь 13, 2019 10:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Россилэн но Ижкарлэн нуналзы улсын шоркарын пыдын бызьылонъя «БежимсКузей» благотворительной ужрад ортчиз.

Кузяен бызьыло тужгес пичиосыз спортсменъёс
Фото: Гульназ Гырдымова

Отчы пыриськыны мылкыд кариз 1000 пала адями. Соос туннэ спортэз гажамзэс гинэ ӧз, нылпиослэн тазалыксы понна сюлмаськемзэс возьматӥзы. Угось ужрадын вань люкам коньдон висись нылпиослы эмъюмъёс басьтонлы кошкоз.
Иж тымет доры лыктэмъёсты пумитаз Кузя нимо дракончик. Кузя улонэз яратӥсь, таза улонэз гажась пӧйшур. Малы Кузя? Благотворительной забеге пыриськем адямиослэн люкам коньдонзы ихтиозэн висись нылпиослы мыноз. Соин курадӟисьёслэн кузы чорыг сьӧмлы яке драконъёслэн кузылы кельше, пе, ӵапак Кузялэн сямен. Удмуртиын 3 пинал ихтиозэн курадӟе, нош быдэс Россиын соос 17 пала. Та аспӧртэм, пальпотӥсь, эшлыко мылкыдын пӧйшур вань люкаськемъёслы капчи сюрес сӥзиз, лыктэмъёсын валче бызьылӥз.
Бызьыны потӥзы пичиез но, бадӟымез. Покчиосыз 200 метрез ортчизы ог-огзэс азьпалты турттыса, тужгес трос калык 1,6 иськеме бызизы, ичи ӧй вал 11,6 но 21,1 иськемъёсын кужымзэс мертаны мылкыд карисьёс.
Ужрад шаерамы нырысьсэ уг ортчы ни, сое радъя Удмурт кун университетысь 20 аресъем студент Никита Храмов.

Н. Храмов но С. Смирнов

— Ужрадэз 4-тӥ арзэ ортчытӥсько ни, — вера пияш. — Кӧня ке ар талэсь азьло вотэсбамам висись нылпилы юрттыны ӧтись иворез пуктыны куризы вал. Но кӧня ке толэзь ортчыса, со пинал улонысь кошкиз. Соку малпай, висись пиналъёслы кызьы ке мукет сямен юрттыны уг быгат меда?
Озьы пияш вордӥськем нуналаз лыктэм эшъёссэ, ӟеч уж лэсьтыны курыса, бызьылыны поттӥз, кӧня ке коньдон но бичазы. Кыкетӥ араз Никиталэн кичӧлтон борды 300 адями кыстӥськиз ни. Нош туэ дурбасьтӥз 1000 мурт! Али акция Ижкарын гинэ ортче, но Никиталэн малпанэз сое шаерысьтымы мукет городъёсын но, палэнын но радъяны.

Сергей Захаров

Ангелина Снигирева
By Ангелина Снигирева Июнь 13, 2019 10:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<