Кино учкыны тубат медаз люкеты

Ангелина Снигирева
By Ангелина Снигирева 21 июня, 2019 10:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ июль пумозь тодмо луоз: быгатозы-а инвалидъёс, шуген ветлӥсь адямиос кинотеатръёсы шедьыны. Бӧрысь соя нимысьтыз карта кылдоз.

Куни Кенеш эскерt Ижысь кинотеатръёсы быгато-а инвалид адямиос шедьыны
Фото: О. Ларин

Та сярысь ивортӥз Кун Кенешысь Ужъя, улон-вылонын юрттэт сётонъя но ветеранъёслэн ужъёссыя ялан ужась комиссилэн кивалтӥсез Алексей Чернов.

— Шаерысьтымы городъёсын 12 кинотеатръёс. Ваньмыз соос матысь дыре нимысьтыз эскеронъёс пыр потозы, — шуиз со. — Тодмо ни: комиссие пырозы Культурая, Калыкез улон-вылонын утён политикая но ужъя министерствоосысь специалистъёс, общественной огазеяськонъёслэн ёзчиоссы. Соос пыр-поч чаклалозы, кӧня инвалидъёс ветло кино учкыны. Шер ветло ке, кыӵе муген? Кылдытэмын-а соослы кинотеатре шедьыны луонлыкъёс?

Ваньмыз та радъяськоз «Огъя Россия» партилэн «Единая страна — доступная среда» проектэзъя. Эскерон пыр потэм котькуд кинотеатр сярысь ивортон бӧрысь пыртэмын луоз интерактивной картае.

Алексей Чернов верамъя, инвалидъёслы улон-вылонын юрттэт сётон вылысь кунамы ӧжыт уг лэсьтӥськы. Та ужпумъёс ялан ӝутӥсько Кун Кенешын но. Туэ июнь толэзьлы, кылсярысь, эшшо одӥг бадӟым кенешон чакламын — вераськон мыноз инвалидъёслы улон-вылонын социальной контракт амалэн юрттэт сётон сярысь. Азинтӥське «Доступная среда» кун программа.

— Туэ уката трос лэсьтӥськоз, коляскаен ветлӥсьёс спорт но дышетон учреждениосы капчиен шедьыны мед быгатозы шуыса, — пусйиз ялан ужась комиссилэн кивалтӥсез. — Школаосы сяна, пандусъёс лэсьтэмын луозы куд-ог нылпи садъёсы, ватсаса тодон-валан сётӥсь организациосы. 2018-тӥ арын шаерамы ортчизы 2-тӥосыз калыккуспо Парадельфийской шудонъёс. Соос валан сётӥзы: инвалидъёслы тодон-валан люканы, яратоно уженызы вырыны тросгес луонлыкъёс кылдытоно. Соослэсь элькун шудонъёссэс арлы быдэ ортчытъяны чакламын ни.

Ялан ужась комиссилэн куд-ог кичӧлтонъёсыз вуо Кун Думае но. Одӥгез соос пӧлысь — инвалидъёслэн ужан условиосынызы герӟаськем чылкытлыкъя куронъёсы воштонъёс пыртон. Туала правилоос шуо: инвалидъёс ужаны уг быгато сыӵе интыосын, кытын трос ветлоно, мултэс пуконо, секыт ӝуткано, керӟегъяськоно. Озьы та куронъёсъя кариськоно ке, инвалидъёс уг быгато эмъясьын но ужаны. Кун Кенешысь депутатъёс, комиссия кичӧлтэмъя, дэмлало эмъян удысын ужасьёслы та куронъёсты кӧнялы ке небӟытыны. Ӵектон ыстэмын ни Кун Думае.

Та кичӧлтон Кун Думаын умоен лыдъямын луиз ке, элькунысьтымы эмъян учреждениосын ужаны быгатозы ог 1 сюрс дышетскем инвалидъёс.

Элина Кумачёва

Ангелина Снигирева
By Ангелина Снигирева 21 июня, 2019 10:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<