Кема возьмам выльдӥськон

Ангелина Снигирева
By Ангелина Снигирева Июнь 26, 2019 16:03

Национальной библиотекалэн Ижысь Советской урамысь юртэз 2011-тӥ арысен выльдэмез-тупатъямез возьмаса улӥз. Июне отчы лэсьтӥськисьёс вуизы.

Библиотека кемалась выльдэмез вите вал ини
Фото: wikipedia.org

Юртлэн азьпал тусыз уз воштӥськы — «Ленинкалэсь» классической вылтуссэ утьыны тыршозы. Нош пушсэ выль сямен лэсьтозы, туала куронъёсты лыдэ басьтыса. Реконструкция бере библиотека культурая центрлы пӧрмыны кулэ. Лыдӟиськон залъёс сяна, татын конференц-зал лэсьтозы, нылпиослы комната усьтозы.
Книгаосты возён интылэн быдӟалаез 3 поллы паськыталоз. Фондлы азьло 2 этаж чакламын вал, нош вуоноез хранилище 6 этажъем луоз. Национальной библиотекаын ог 1 миллион 500 сюрс изданиос утисько уго. Пӧлазы удмурт кылын, шаертодонэн герӟаськем ог 74 сюрс пала документ лыдъяське. Библиотекаын кыллё удмурт писательёслэн рукописьёссы, удмурт югдытӥсьёслэн: Григорий Верещагинлэн, Николай Первухинлэн, Иван Михеевлэн, Иван Яковлевлэн но мукетъёсызлэн — улыкузы потэм изданиоссы.
Та дыре библиотекалэн ёзъёсыз Ижысь пӧртэм юртъёсын ужало. Выльдэм библиотека лыдӟисьёслы усьтэмын луыны кулэ 2021-тӥ арын. 3 ар ӵоже реконструкцилы ог 482 миллионет манет висъямын луоз.

Виктория Крамова

Ангелина Снигирева
By Ангелина Снигирева Июнь 26, 2019 16:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<