Ижын ортчиз «Горсть памяти» ужрад

Ангелина Снигирева
By Ангелина Снигирева Июнь 22, 2019 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Музъем куто пиналъёс

22-тӥ июне, быдэс Россиын кайгырон но буре ваён нунал. Со улсын шаерамы пӧртэм ужрадъёс ортчизы. 4 час ӵукна Ижысь ялан ӝуась тыл дорын «Буре ваён сюсьтыл» ужрад радъяськиз. Кивалтӥсьёс но депутатъёс синпелет доры сяськаос понӥзы, сюсьтылъёс ӝуатӥзы.
10 часын монумент доры сяська керттэтъёс тыризы Удмурт Правительстволэн Тӧроез Ярослав Семёнов, Ижкар Думаысь депутатъёс но вань мылкыд карисьёс.
Бӧрысь Ижысь Северной шайвылын «Горсть памяти» ужрад ортчиз на. Война вакытъёсы Удмуртиын 60 пала госпитальёс ужазы, шаерамы секыт сӧсырмем солдатъёсты вуттылӥзы. Уноез ожгарчиос эмчиослы луыса выльысь фронтэ берытскизы. Ижысь Северной шайвылын быдэс Совето Союзысь 300 пала солдатъёс ватэмын. Туннэ соослэсь шайгуысьтызы музъем кутыны оскемын вал Ижысь 31 номеро школаысь «Юнармия» движениысь нылпиослы. Нимысьтыз контейнере басьтэм сюй сётэмын Быдӟым ожысь ветеранлы отставкаысь полковниклы Виктор Логинов. Сюез келялозы Москваын Россиысь вооружённой силаослэн али ӝутӥськись храмазы. Отчы вуттэмын луозы Россилэн пӧртэм сэрегъёсысьтыз музъем, кытын ватылэмын Быдӟым оже пыриськем солдатъёсмы. Ужрадэ пыриськизы Кун Кенешысь депутатъёс, город кивалтӥсьёс, кадет классъёсысь пиналъёс.

Сергей Захаров

Туспуктӥз Гульназ ГЫРДЫМОВА

Ангелина Снигирева
By Ангелина Снигирева Июнь 22, 2019 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<