Ижлы — удмурт центр

Ангелина Снигирева
By Ангелина Снигирева Июнь 26, 2019 15:52

24-тӥ июне Удмуртиысь Кун Кенешлэн заседанияз вераськизы азьвыл В. Короленко нимо театрлэн юртэз пумысен.

Таӵе луоз удмурт культурая центр
Фото: басьтэмын Дмитрий Сурнинлэн Фейсбук вотэс бамысьтыз

Талэсь азьло 3,5 сюрс квадрат метръем юртэз эскерыса, экспертъёс шуизы: юрт куашкам калэ вуэмын, сое тупатъяны-выльдыны уз ни луы. Сое куашкатыса, интыяз выль юрт пуктыны чакламын — Удмурт культурая центр.
«Центр Удмуртской культуры» проектэн тодматӥз лэсьтӥськонъя, ЖКХ-я но энергетикая министр Дмитрий Сурнин. Центрлэсь проектсэ министерстволы дасяны юрттӥзы «Удмурт Кенеш» огазеяськон но Россиысь Архитекторъёслэн союззылэн Удмуртиысь ёзэтэз.
Выль юрт 2 этажъем луоз, быдӟалаез — ог 6 сюрс квадрат метр. Юртлэн тусэз но удмурт шӧмо луыны кулэ, кылсярысь, азяз чигвесьлы тупась люкетэз луоз. Бадӟым залаз ог ог 500 адями тэроз. Отын «Айкай» кун театрлэн, пӧртэм ансамбльёслэн концертъёссы ортчылозы, фильмъёс возьматъялозы.
Со сяна, центрын шоу-рум ужалоз. Отын Удмуртиысь кибашлыослэн киужъёсынызы вуз карозы. Нимысьтыз сэрег покчиослы чакламын: «Нуныкай» клубын нылпиос тодон-валан басьтозы, ӵошен шудозы. Озьы ик центрын усьтозы бадӟым адӟытон зал, отын пӧртэм пумо выставкаос, ярмаркаос ортчылозы.
Дмитрий Сурнин верамъя, Удмурт культурая центр Ижкарлэн но, Удмуртилэн но данъяськон интызы луоз.

Анастасия Шумилова

Ангелина Снигирева
By Ангелина Снигирева Июнь 26, 2019 15:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<