Иже люкаськылӥзы Россиысь но кунгож сьӧрысь финно-угроведъёс

Ангелина Снигирева
By Ангелина Снигирева Июнь 7, 2019 16:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем арня вискын Ижын ортчиз «Фин-угор дунне: выжыосты утён но азинтон» 6-тӥез конференция.
Отчы пыриськизы 20 улосъёсысь, озьы ик 9 пӧртэм кунъёсысь 300-лэсь ятыр финно-угроведъёс. Радъяз сое Россиысь наукаосъя академилэн Урал ёзэтысьтыз Эскеронъёсъя удмурт центр. Россиысь финно-угроведъёслэн комитетсылэн кивалтӥсез, Комиысь филология наукаосъя доктор Анатолий Ракин, ужрадэз усьтыса, пусйиз:

  • Та конференциын эскериськом пӧртэм удысъёсын — кылтодонын, литератураын, археологиын, этнографиын, фольклористикаын — кылдэм ужпумъёсты. Нырысь ик йылпумъянъёс лэсьтӥськом: 5 ар ӵоже быдэсмизы-а кылемаз конференциын ӝутэм ужпумъёс, нош кудъёсыз бордын ужано луоз матысь аръёсы, — шуиз Комиысь куно.
    Конференциын пӧртэм ужпумъёсты эскеризы, 8 секциослы люкиськыса. Озьы ик ортчиз удмурт литературалэн туала вакытэзлы сӥзем симпозиум, радъяськизы тужгес лэчыт ужпумъёслы сӥзем котрес ӝӧкъёс. Тужгес но ӟырдыт кенешон пуромиз удмурт кыллэсь корпуссэ кылдытон пумысен.
  • Со туала технологиосты кутыса кылдытэм цифровой бичет кадь луоз, — валэктӥз Эскеронъёсъя удмурт центрлэн кивалтӥсез Михаил Альес. — Отысь шедьтыны луоз удмурт кылын герӟаськем вань книгаосты-гожъямъёсты: соос удысэн-удысэн люкылэмын луозы. Кылсярысь, та цифровой бичетысь котькудӥз мылкыд карись шедьтыны быгатоз удмурт кылын произведениосты яке газетъёсысь гожъямъёсты, озьы ик пӧртэм кыллюкамъёсты, фольклорлы, удмурт кылэз дышетонлы сӥзем ужъёсты но трос мукет. Ӝоген со тыро-пыдо ужаны кутскоз.
    М. Альес пусъемъя, удмурт кыллэн корпусэз кылдытӥськоз, удмурт-ӟуч но ӟуч-удмурт кыллюкамъёс вылэ пыкиськыса. Удмурт-ӟуч кыллюкам потӥз 2008-тӥ арын. Нош ӟуч-удмурт кыллюкамез кылдытон уж, жаляса верано, кематэк ӧз вырӟы: берлоез таӵе словарь поттэмын вал ог 50 ар талэсь азьло. Но та уж борды тодосчиос басьтӥськизы ни — вылез потоз вуоно арын, Удмурт шаерлэн кунлык басьтонэзлы 100 ар тырмонэз пусъён улсын. Та фундаментальной уж, тодосчиосмы та вакытэ со бордын рос-прос ужало, пусйиз М. Альес. Ӟуч-удмурт кыллюкам 1 сюрс 500 бамъем луоз, отчы пырозы 55 сюрслэсь ятыр кылъёс.

Елена Никитина

Туспуктэм басьтэмын Кун Кенешлэн сайтысьтыз

Ангелина Снигирева
By Ангелина Снигирева Июнь 7, 2019 16:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<