Гуртэд понна сюлмаськы ачид

Ангелина Снигирева
By Ангелина Снигирева Июнь 19, 2019 14:16

Гурт шорад нылпиослы площадка усьтэмед потэ? Культурая юрттылэн яке школадылэн юртэз кемалась тупатъямез кулэ каре? Уксё курыса-утчаса табере ветлонэз ӧвӧл: люкано калыкез но дасяно проект. Конкурсын со вормисе потӥз ке, кичӧлтонды кун чотын быдэсмоз.

Инициативной бюджетирование сярысь кенешон дыръя
Фото: udmurt.ru

Туэ 18-тӥ мартысен шаерамы пыӵаны кутскиз инициативной бюджетированиея программа. Со быдэсъяське Россиысь унояз улосъёсын Президент Владимир Путин кичӧлтэмъя. Интыысь кивалтонэз азинтонлы сӥзем одӥгаз кенешонын В. Путин пусйиз:

— Калыклэн кичӧлтонъёсыз йыло, соос золгес сюлмаськыны кутскемын улонзэс эшшо но ӟечгес карон сярысь. Таӵе мыло-кыдоослы луонлык кылдытоно пайдаё кичӧлтонъёссэс улонэ пыӵатыны.
Озьы кунысьтымы 55-яз улосъёсын пыӵаны кутскиз инициативной бюджетированиея программа. Шаерамы со кӧня ке толэзь талэсь азьло гинэ быдэсъяськыны кутскиз ай ке но, калыклэн кичӧлтонъёсыз 140-лэсь ятыр люкаськизы ни. Уноез соос вуэмын ёросъёсысь. Быдэс гуртэн люкаськыса, калык кенеше, кыӵе ужпум соосты тужгес но сюлмаськытэ. Одӥгъёсыз проект гожто, сюресъёссэс тупатыны курыса, мукетъёсыз кулэясько нылпи площадкалы, куинетӥосыз сюлмасько Быдӟым ожын быремъёслы сӥзем синпелетсэс выльдон сярысь. Гуртоос асьсэлэсь (спонсоръёслэсь) уксёзэс но кутыны быгато, но таиз — ас мылкыдзыя. Угось проектсы конкурсын вормисе потӥз ке, кичӧлтонзэс быдэстыны уксё вуоз кунлэсь. Туэлы, кылсярысь, калыклэсь проектъёссэ пыӵатонлы элькун бюджетын чакламын 60 миллион манет.
Инициативной бюджетирование программаез шаерамы быдэстон понна кыл кутэ Коньдон ужпумъёсъя министерство. Калыклэсь кичӧлтонъёссэ кутонэн выре министерство бордын кылдытэм нимысьтыз ёз. Отысь консультант Александр Куликов пусъемъя, калыклэсь вуэм одӥг курон но лыдэ басьтытэк уг кыльы. Милемлы келям проектъёсазы шекъёс-тырмымтэос шараясько ке но, соосты одӥгзэ но ум палэнтӥське, йылозяз-пумозяз вуттыны юрттӥськиськом, шуэ А. Куликов. Озьыен, котькудӥз кичӧлтон конкурсэ шедёз. Проектъёсты кутон йылпумъяське ни ӵуказе, нош июль куспын тодмо луоз, кин уксё утӥз. А. Куликов верамъя, уноез проектъёс герӟаськемын лэсьтӥськонэн. Соин ик бюджетысь висъям уксёез ӝоггес кутоно, лымы усьытозь, лэсьтӥськон-тупатъян ужъёсты йылпумъяно.

— Конкурсэ пыриськыны мылкыд карисьёс азе таӵе куронъёс пуктэмын: нырысь ик, тупатоно-пуктоно-выльдоно объектсы муниципал ваньбурын луыны кулэ. Со сяна, проектсылэн дуныз 1 миллионлэсь ятыр медаз луы: талэсь тросгес ке, кылемзэ уксёез шедьтон сярысь сюлмаськыны кулэ муниципал кылдытэт, — вера Коньдон ужпумъёсъя министерствоысь бюджетъя ёзлэн кивалтӥсезлэн воштӥсез Мария Кулакова. — Тужгес дунтэмез проект 200 сюрс манет сылэ, нош дуноез — 6 миллион манетлэсь ятыр: Воткаын улӥсьёс куро мугорез кыдатонъя комплекс усьтыны, 5 миллион манетсэ висъяны дась городзы.
Вуоно аръёсы инициативной бюджетированиея программа шаерамы эшшо но паськытгес пыӵалоз.

Елена Никитина

Ангелина Снигирева
By Ангелина Снигирева Июнь 19, 2019 14:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<