Выж асдунзэ берыктыны кулэ

Ангелина Снигирева
By Ангелина Снигирева Июнь 6, 2019 17:10

Удмуртилэн Тӧроез Александр Бречалов потаз Камбарка ёросэ. Отысь куд-ог предприятиосы, организациосы вуылэмез бере пумиськиз ёрос кивалтӥсьёсын, калыкен.

Камбаркаысь «Труд» стадиоын хоккен шудонъя площадка кылдытыны чакламын. А. Бречалов татысь хоккеистъёсын пумиськылӥз.

Кенешонэз кутскыса, ёрослэн йырыз Александр Поддубский вакчияк вераз, кыӵе ужпумъёс ёросын берло дыре быдэстэмын но кыӵеоссэ йылаз-пумаз вуттон понна элькунлэн, федерацилэн юрттэтэз кулэ луоз.
Камбаркаын улӥсьёсты уката сюлмаськыто сюресъёсты тупатъянэн, тазалыкез утёнэн герӟаськем юанъёс. Секыт югдур кылдэмын вуэн — гужемзэ тросаз муниципал кылдытэтъёсын со уг тырмы, вылаз ик, ӟеч ӧвӧл.
Озьы ик ӝутӥськизы социальной удысысь юртъёсты выльдонэн герӟаськем ужпумъёс. Кылсярысь, гуртэз азинтонлы сӥзем кун программа чотын туэ тыро-пыдо тупатъяны кулэ Михайловка но Старый Армязь гуртъёсысь фельдшер-акушер пунктъёсты. Нош Балаки черкогуртын выль ФАП пуктозы — коньдон висъяськоз федерал бюджетысь.
Камбаркаын улӥсьёс чидатэк витё выль культурая юрт пуктэмзэс но. Со улэ городын инты висъямын ни, табере дасяно на проект. Нош Борок но Нижний Армязь гуртъёсысь культурая юртъёсты выльдон ужъёс туэ ик йылпумъяськозы — «Огъя Россия» партилэн гуртъёсысь культурая юртъёсты выльдонъя проектэзъя 1,3 миллион манет чакламын.
Сюлмаськонъёс вань на нылпи садъёсын интыос тырмымтэен. Туэ 1-тӥ майлы оглом 220 нылъёс но пиос возьмало путёвка. Со пӧлысь 112-эз -1 но ӝыны аресозь, 102-ез — 3 аресозь но 6-ез — 7 аресозь. Та вакытлы тодмо ни: Камбаркаын 80 интылы ясли усьтӥськоз — проект дасямын ни.
Эшшо одӥгез сюлмаськытӥсь ужпум — Кам но Буй шуръёс вамен потон дуно усе. Туэ 1-тӥ мартозь со 430 манет тыр луылӥз, собере нош ик 450 манетозь ӝутӥзы ни. Нош Камбаркаын улӥсьёс нуналлы быдэ но солань-талань потано луо. Оло, пе, соос понна ке но льготаос тупатоно?

  • Кылдэм югдур нокинлы уг кельшы, — шуиз Александр Бречалов. — Но нырысь ик проектэз йылаз-пумаз вуттоно — Башкириысь та выж доры вайись сюресъёсты тупатоно. Али соос уродэсь бере, тросэз машинаос палэнтӥ ортчо. Озьы выж вамен мынӥсь-ветлӥсьёс ӧжыт, коньдон ичи люкаське. Нош выжез возён понна элькун бюджетысь арлы быдэ 450 миллион манет висъян — вормонтэм. Соин ик матысь дыре элькунамы улӥсьёслы выж вамен потан дунэз пичиятыны амалъёс утчалом. Со понна концессионерез но вожтоно, проектэз но выльдоно луоз. Малпасько, югдурез тупатыны асьмелэн луонлыкъёсмы вань.
    Кенешонэ пыриськемъёс озьы ик юаськизы на чагыр эстӥськонэн, куашкан калэ вуэм юртъёсын улӥсьёслы выль инты висъянэн герӟаськем но мукет ужпумъёс сярысь. Александр Бречалов котькудӥзлы тыро-пыдо валэктон сётӥз.

Камбаркаысь «Труд» стадионын хоккеен шудон площадка кылдытыны чакламын. А. Бречалов пумиськылӥз та ёросысь хоккеистъёслэн командаенызы.

Сергей Захаров

Туспуктэм басьтэмын udmurt.ru

Ангелина Снигирева
By Ангелина Снигирева Июнь 6, 2019 17:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<