Алнаш ёросысь «Оркино» хозяйствоын выль ферма усьтӥськиз

Ангелина Снигирева
By Ангелина Снигирева 5 июня, 2019 17:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем арня пумын Алнаш ёросысь «Оркино» хозяйствоын выль ферма усьтӥськиз. Со 21 миллион манет тыр усиз, со пӧлысь 4 миллионэз висъямын «1 миллион тонна йӧл» улос программая.

Выль ферма
Фото: Л. Ушаков

Гурт хозяйствоен 9-тӥ арзэ кивалтэ Марина Захарова. Ужаны кутскемез бере куд-ог гуртоос ӧз но оске вал, хозяйствозы пыд вылаз возиськоз, маке вылез кылдоз шуыса. Угось талэсь азьло кивалтӥсьёс ялан вошъяськизы, ужан моӵсы 2-3 арлы гинэ тырмылӥз. Марина Яковлевна ужез борды рос-прос кутскиз. Быгатэмзыя выль техника басьтӥзы, механизаторъёс трактор-машинаоссэс липет улын тупатъяны ӧдъязы. Кивалтӥсьлэн одӥгез бадӟым сюлмаськонэз вал выль ферма пуктон. Озьы соос 2016-тӥ арын лэсьтӥськон ужзэс мытӥзы.

— Вужез фермамы куашкан калэ вуэмын ни, солы луыса уйёсме но умой кӧланы ӧй быгатылы, — вера Марина Захарова. — Лэсьтӥськон борды басьтӥськеммылэсь азьло шаерысьтымы мукет хозяйствоостӥ ортчи, кылсярысь, Можга ёросысь «Держава» эштосэ вуылӥ. Пӧртэм фермаосыз эскерыса, арка кадь ферма пуктыны малпамы, нош сюро таза пудоосты думылытэк возёмы. Думылон понна котькуд скалэз «ӟыгыръяно», со понна дыр но кужым кулэ ук. Арка выллем гидын югытэз но омырез тырмыт, сое лэсьтон дунтэмгес луэ. Ферма 212 пудо йырлы чакламын.

Ӧркагуртысь та хозяйство ёросысь одӥгез кужмоез луэ: пудо но вордо, кидыс будэтонэн но выро. Туннэ нуналлы гыроно-кизёно музъемзы 1 сюрс гектарлэсь тросгес. Кылем арын гектарысьтыз 25 центнер ю тысь кутсазы. Кызьы вераз колхоз тӧро, тросгес коньдон поттыны луоно, йӧл вузаса. Та вие котькуд скаллэсь нуналаз шорлыдын 19 литр йӧл кыско. Азьланяз скалъёссылэсь лыдзэс будэтыны малпало. Алигес басьтӥзы 23 ветыл.

Фермалэн вылыз яркыт

Алнаш ёросын туэ эшшо «корка пыронъёс» чакламын: выль ферма усьтӥськоз «Палэп» огазеяськонын, «Молодая гвардия» СПК-ын, роботэн ужась ферма — «Родина» хозяйствоын.

Леонид Ушаков

Ангелина Снигирева
By Ангелина Снигирева 5 июня, 2019 17:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<