Азбаръёс тымисько нылпиосыз

Ангелина Снигирева
By Ангелина Снигирева Июнь 11, 2019 14:06

3-тӥ арзэ Ижкарын 3 нуналъем фестиваль радъяське, Россилэн но Ижлэн нуналзылы сӥзьыса.

Азбаръёслэн нуналазы трос нылпиос лыктӥзы

Озьы 10-тӥ июне праздникъёс ортчизы городысь азбаръёсын. 11-тӥ июне нуналзэс пусйизы Ижысь 5 ёросъёс. Нош 12-тӥ июне огъя шулдыръяськонъёс сӥземын Россилэн суверенитет басьтэмезлы.
Ижысь азбаръёс 81 заявка келязы, пӧртэм ужрадъёс ӵектыса. Соос пӧлысь 58-эз быдэсмизы. Тани Индустриальной ёросысь «Столичный» микрорайонын трос егит семьяос. Соос 2-тӥ арзэ та празднике мыло-кыдо пырисько. Индустриальной ёрослэн йырыз Любовь Зайцева верамъя, ужрадъёссэс районын вазьгес кутскизы ни — 9-тӥ июне азбаръёс куспын пятиборье ӵошатскон вал. Отчы 8 команда люкаськиз. Огаз азбарын «Бадӟым веме» праздник радъязы. Сое ортчытыны кичӧлтӥсь луиз Удмурт филармонилэн кивалтӥсез Алексей Фомин. Со Индустриальной ёросысь Воткинской шоссе ульчаысь огаз азбарын улэ вылэм.
Озьы Индустриальной ёросысь 14 азбарын гуж! вазиз. Отын тэтчазы-эктӥзы нылпиос, снайперен шудыса, вожвылъяськизы командаос. Нош ӵуказеяз эшшо шумпотон луиз ёросын улӥсьёслы. Космонавтъёслэн парказы усьтӥськизы гужемлы чакам кинотеатр но эктон площадка. Таиз ужрад огазеяз пиналъёсты но, пенсионеръёсты но — уго шутэтскон паркын воштӥськонъёсты нырысь ик соос дунъяло.
Шоркарысь мукет ёросъёсын но шутэтсконэз ӧз тодэ. Строительёслэн городоказы «Мечтатели» аллея мерттӥзы. Мукет ёросъёсысь паркъёсын но площадкаосын концертъёс, шудонъёс, мастер-классъёс ортчизы.

Елена Скворцова
Туспуктӥз Максим Егоров

Ангелина Снигирева
By Ангелина Снигирева Июнь 11, 2019 14:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<