Устоез скал кыскись улэ Вотка ёросын

Ангелина Снигирева
By Ангелина Снигирева 31 мая, 2019 16:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Асьсэ ёросазы устоосыз луэм 25 скал кыскисьёс люкаськылӥзы Ува ёросысь Поршур-Тукля гуртысь «Рико-Агро» хозяйствое. Отын соос пӧлын элькун вожвылъяськон ортчиз.

О. Ботаргина

Татчы лыктӥзы 24 ёросъёсысь (ӧй вал Камбаркаысь гинэ) пудо утялтӥсьёс. 2 муртсэ конкурсэ ваиз куно пумитась ёрос.

Конкурсэ вуэмъёсты ӟечкылазы Гурт удысъя но сиён юонъя министрлэн воштӥсез Наталья Шавшукова, Пудо эмъянъя элькун управленилэн кивалтӥсезлэн воштӥсез Ирина Крылова, «Рико-Агро» предприятилэн директорез Константин Володин.

Скал кыскисьёс быгатонлыксэс 3 пӧртэм этапъёсын возьматӥзы. Котькыӵе ужлэн инъетэз теориез тодон луэ. Озьы конкурсэ пыриськисьёс скалэз утялтон, пудо сюдон, пӧртэм висёнъёсты шараян пумысен юанъёслы валэктон утчазы. Та бӧрсьы скал кыскон аппаратэз сэрттӥзы, бичазы. Вераны кулэ, унояз фермаосын конкурсэ ваем тӥрлыкен уг ужало ни, со интые выльёсыз вуэмын ни. Озьы ке но, огшоры скал кыскон аппаратэз котькуд скал кыскись тодыны кулэ, пе. Куинетӥ этапын дояркаос «Ёлочка» нимаськись скал кыскон залын ужазы, пудоез кыскизы. Таӵе туала залъёссы туж ӧжытаз хозяйствоосын вань, соин но таиз конкурс люкет уноезлы секыт потӥз.

Озьы вожвылъяськонын ваньмызлэсь усто луиз Вотка ёросысь «Новая жизнь» хозяйствоысь Ольга Батаргина. 2-тӥ интые потӥз Можга ёросысь Бадӟым Уча гуртысь егит скал кыскись Елизавета Бушмакина. 3-тӥ луиз Ува ёросысь «Авангард» хозяйствоысь Фаина Чайникова.

Та адямиос сяна, нимаз пусъемын вал на эшшо кӧня ке мурт. Озьы удысысь ветеран шуэмын Кизнер ёросысь Мичурин нимо хозяйствоысь Ирина Викторова. Кышномурт 27 ар скал кыскиз, толэзь ортчыса пенсие потон вакытэз вуэ ни. Нош тужгес егит ужась шуэмын Алнаш ёросысь «Родина» колхозысь Лариса Макарова.

Таин элькун вожвылъяськон 24 скал кыскись понна йылпумъяськиз. Нош О. Ботаргина быгатонлыксэ возьматоз на Уфаын, август толэзе отын люкаськозы Россиысь кужмоосыз скал кыскисьёс.

Ангелина Снигирёва

Туспуктӥз А. Снигирёва

Ангелина Снигирева
By Ангелина Снигирева 31 мая, 2019 16:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<